من غير فصحى وفانتازيا في الكلام . خلينا نبقى واضحين مع بعض . وبالبلدي كده . لما قامت الثورة . واستمرت المظاهرات . والكل هتف يسقط النظام . وطبعاً الشباب هم اللي قاموا بالثورة . وده يمكن سبب نجاح الثورة . الكل كان فاكر إنها مجرد مظاهرة وهييجي الأمن المركزي اللي هم كلاب مبارك وهيضربوا شوية قنابل ورصاص في الهوا والناس هتخاف وتجري زي كل مرة . أنا عايز أعرف فين دور الإخوان يوم 25 يناير مش هقول في التحرير . لا . في أي شارع في مصر . كانوا في البيوت بيتفرجوا ف التليفزيون على الثورة وكنا احنا في الشوارع في مواجهات مع كلاب النظام . واستنوا لما جه أمر من المرشد العام بالنزول . وده كان يوم 28 يناير . ومش كلهم اللي نزلوا كمان . وطبعاً المرشد العام للإخوان جماعة " أوعى تنطق انت إخوانجي " ما أعطاش الأمر إلا لما الثورة بدأت في النجاح وعرف إن نزوله للشارع هيخليه يقطف ثمرة من البستان . محدش يقدر ينكر إن الإخوان من أكتر الناس اللي كانت بتقول لمبارك انت غلطان وكانوا بيواجهوه . بس لما جه وقت الجد والشباب قاموا وانت فضلت ف البيت نايم ع السرير . ماتجيش ف نص الموضوع وعاوز تساوي نفسك باللي بدأ الحاجة . لا أقولك شكراً يافندم . خليك ف بيتك معزز مكرم واحنا هنجيبلك حقك لحد باب بيتك .
ثم إن أنا عاوز اعرف حاجة . إيه سر اتحاد الإخوان مع البرادعي في أول الأمر . مش البرادعي علماني ؟! . وهم بيدعوا للإسلام . وجه السلفيون هاجموهم بسبب ده . ولما حسوا إن البرادعي هيكسب وهياخد منهم الليلة تخلوا عنه . وبعدها اتحدوا مع السلفيين . اللي كانوا أساسا بيكفروا بعض . طب في إيه انتوا أعداء وبتتفقوا . ويطلع أحد ممثلي السلفية في مؤتمر . ويقول أصل احنا بينا وبين الإخوان اتفاقات سرية .!! .. إتفاقات سرية إيه وليه ولحساب مين ؟!. ماهو انا يابعمل لمصلحة بلدي . يا لمصلحتي الشخصية أو لحزبي أو لجماعتي . لا أقولك ساعتها اخبط راسك انت وحزبك وجماعتك ف أتخن رصيف فيكي يامصر . لإن مصلحة مصر فوق مصلحة الاشخاص والجماعات والأحزاب .
وبعدين أسلوب الضحك على الذقون اللي كان بيحصل أيام الاستفتاءات الدستورية . وكل لجنة استفتاء واقف عليها واحد او اتنين شيوخ " زي ماشوفت ف بلدي على الأقل " يقولوا للي داخل قول نعم قول نعم . ياعم انت مالك !! .. دا حاجة غريبة أوي !! .. يا عم انا أقول اللي أقوله .. في ديموقراطية وفي صندوق هيقول كلمته .. واللا انت جاي تطبق الديموقراطية اللي بتقول عليها بديكتاتورية . ولو حد قال لهم هقول لا . يقولوله انت كافر وانت زنديق وانت وانت .. انا عن نفسي اتقال لي انت زنديق . ولولا ضباط الجيش كنت علقت الراجل من رجليه على باب اللجنة . بس هم تدخلوا . أنا عاوز أفهم إيه النظام ده ؟؟!! .
ثم إن ماينفعش تبقى راجل بتمثل الدين وتضحك على الناس باسم الدين . يعني مايصحش تستغل راجل كبير في السن لا بيعرف يقرأ ولا يكتب وراجل غلبان . ومش عارف حاجة ف أي حاجة . وجاي فاكرها انتخابات مجلس شعب . وتقوله ياحاج علم على الأخضر . لإن الاخضر الجنة والاسمر النار . أو الأخضر للمسلمين والأسمر للمسيحيين . بذمتكم مش حاجة تكسف . لما اكون راجل بمثل الدين وعلشان الناس بتثق فيا أضحك عليهم وباسم الدين . أتشترون بآيات الله ثمناً قليلاً ؟! .
وبكل بساطة افهّم اللي بيتكلم معايا . اللي هو يفتقد لثقافة الحوار أساسا لإنه لاغي دماغه وماشي بتعليمات مش عارف هي ايه اساسا . وأقوله ياسيدي الفاضل . كده كده نعم أو لا النتيجة واحدة . يقول لا علشان المادة التانية . المادة التانية اساسا محدش له دعوة بيها . ثم إن لو سعادتك بتمتلك ذرة ذكاء هتعرف ان المادة التانية أساسا غير مدرجة في المواد اللي بيجرى عليها الاستفتاء . وفي الآخر النتيجة واحده هتكون إعلان دستوري . وده فعلاً اللي حصل .. ياربي .. ما علينا . المهم .....
نيجي بقى للإخوة العلمانيين والليبراليين والطعمجيين دول .. اللي كل ما تكلم واحد فيهم يقولك انا حر .. This is easy والله عليه العوض . أولاً ياسيد منك ليه مصر مش طرطة . كل واحد هياخد منها خارطة . يعني ماتجيش تأسسها على مزاجك . وماتجبليش أفكار غير ملائمة لطبيعة العادات والتقاليد المصرية وعاوز تطبقها . أقولك لا . روح طبقها هناك انت عارف فين . لإن مصر لاهي ليبرالية ولا علمانية . مصر دولة إسلامية .بس للأسف مش الإسلام اللي بنشوفه ده . لإن ده كله مصالح الله أعلم وراها إيه . ف هارد لك أيها العلمانييون الليبرالييون والملخوييون ..
نيجي بقى لطبقة مالهاش في أي حاجة خالص . الطبقة اللي دايماً مكبرة دماغها . هحكيلكم موقف . ف يوم جاي من التحرير وجيت نمت . وقمت الصبح نازل اجيب فطار . ونزلت اجيب فول وطعمية علشان افطر بسرعة وامشي . وواقف عند بتاع الفول والطعمية . وهو نازل رغي مع واحد جنبه . ويقوله والناس ف التحرير يا أخي اللي هم معتصمين هناك . بياكلوا 3 وجبات كنتاكي وكل واحد بياخد منهم 50 جنيه ف جيبه . ياعم الحاج . مايردش عليا ويعيد ويزيد ف الكلمتين دول . وف الاخريقولي ايوه يا استاذ عايز حاجة . قلتله لا . قال يعني مش عايز طعمية ؟ . قلتله لا . وانا هاكل طعمية ليه . ما انا هنزل التحرير اعتصم هناك . واخد 3 وجبات كنتاكي وخمسين جنيه آخر النهار . سلام عليكم .
شخصية زي دي . مفكر ان كل حاجة ف مصر زي الطعمية اللي هو بيبيعها للناس . عرف منين ان شعب مصر اللي بيقول يسقط الفساد ومعتصم ف الميدان بياخد فلوس وكنتاكي .. دا حتى التليفزيون اللي عنده ف المطعم 24 ساعة شغال على قنوات الرقص الخليجية . يعني حتى مابيشوفش الأخبار . أحب أقوله . انت لو نزلت التحرير واعتصمت هناك . هتاكل طعمية أحل من اللي انت بتعملها دي . بس طعمية بطعم الوطن .
نيجي بقى للناس اللي واخدة الثورة منازل . قاعدين ف البيوت ويقولولك الثورة وافسدت وأصلحت . ماشاء الله الناس دول واخدين دكتوراة في هندسة الكلام . أحب أقولك ياسيدي الفاضل . ماتبقاش قاعد ف السرير ف بيتكوا وخايف تخرج للشارع وتقولي الثورة . دا انت عايز هتاف خاص بيك " الناس ف التحرير والباشا ف السرير " !! .. انت لو كنت نزلت وجربت قنابل الغاز المسيل للدموع . ولا أخدت رصاصة مطاطية . ولا كنت ف الشارع وتيجي عربية أمن مركزي تطاردك وتخبطك وتدوس على اللي واقفين جنبك واحتمال عليك . كنت عرفت إيه هي الثورة وإيه هو الظلم ويبقى ليك حق تتكلم . ف أحب أقولك شد الغطا عليك و happy dreams . ونام وانا هبقى اصحيك على الثورة الجاية .
فاضل مين تاني ؟؟
أه . بتوع آسفين ياريس .
دول عايزين كلمة واحدة بس مفيش غيرها ....
شكراً لحسن استماعكم للكلمة .
نيجي بقى للمجلس العسكري . أو بالأصح المجلس السنكري . 19 جنرال عواجيز كلهم مبارك . مش فاهم بيقولوا إيه ولا بيعملوا إيه . قرارت كلها بتستفز الشعب . لا وإيه .. تفعيل قانون الطوارئ .. وابقى ماشي ف ميدان رمسيس .. الاقي عربيات الامن المركزي محاوطة الميدان .. والعساكر صفوف وواقفين هاهاهاها .. اصواتكوا بقت عالية دلوقتي .. كنتوا فين ايام الفراغ الأمني ؟؟ .. إيه ياعم .. أصل قانون الطوارئ اتفعل .. يعني المجلس العسكري بيعطينا بشاير ان نظام مبارك لسه موجودة . ف احب أقوله لو النظام كده ما اتغيرش .. يبقى الامن هينضرب تاني وتالت ورابع . والثورة كلها هتنقلب ضدك . وكفاية ان قرارتكم بتاخد الثورة ف اتجاه مخالف . لا وإيه . يقولك العمل بقانون الضريبة العقارية من اول السنة الجاية .. يعني انه مشرّف للسنة الجاية . لا ياسيدي شاكرين أفضالك والسلطة يستلمها مجلس رئاسي برئاسة رئيس المحكمة الدستورية العليا . لا وإيه . تطبيق قانون عقيم اللي عمله الحرامي يوسف بطرس غالي . يعني العمل بقانون ضمن القوانين اللي تم إسقاطها . دي حاجة تخلي الأقرع يشد ف دقنه . طب موقفه إيه بعد ما يوسف بطرس غالي اتقبض عليه ف مدريد وهييجي ع السجن ؟؟ .
ف المجلس العسكري أيضاً
هقوله نفس الكلمة اللي اتقالت لبتوع آسفين ياريس
واقوله شكراً لخدماتك وحسن استماعك للكلمة برضو .
حاجة أخيرة بقى
نفسي لما حد يطلع يتكلم يتكلم باسم مصر . مش باسم حزب أو جماعة أو حركة . لإن كده المصلحة بقت شخصية . ومصر مصلحتها قبل المصلحة الشخصية ومصلحة الاحزاب والجماعات . يعني نفسي لما واحد يتسأل انت مين . يقول انا مصري . مش علماني ولا ليبرالي ولا اخوان ولا ولا ولا ولا .. لإن دي نقطة مهمة جداً .. علشان مانحسسش بعض إن فيه تكتلات وتفرق بين الناس .
وف نهاية البرنامج بهديكم .. دنجي دنجي .. يارب تعجبكم
أه بالحق
بقلم / محمد عبدالرحمن شحاتة
يعني أنا اللي بنتقد الأوضاع
الليبراليين والعلمانيين والسلفيين والإخوان
وكل اللي فاكر مصر بقت بتاعته
علشان اللي يحب يرد يعني
__________________
السقوط علامة الرضا
التعديل الأخير تم بواسطة محمد عبدالرحمن شحاتة ; 09-18-2011 الساعة 08:35 PM
صديقي العزيز أباوديان
نعم والله ظاطت ولكن في وسط من ذكرتهم من العامة من لاتصل غليه المعلومات إلا عن طريق وسائل إعلام النظام المخلوع فهي حتى اللحظات الأخيرة كانت تذكر الثوار بابشع الصفات وتمدح حكم جنابه وحكوماته وتسفه من قيمة الثورة فكان هؤلاء العوام من الناس أضحية ثم عدلوا رأيهم بعد نجاح الثورة ولكن (لفترة) فوسائل النظام البائد مازالت موجودة ومن تحت الحزام تبث السم في العسل لتوصل لنفس طبقة العوام الأفكار بأن الدولة ضاعت ولا امل إلا في عودة ماكان
وشهادة حق امام الله أنني اعرف مجموعة من الإخوان والمعتدلين كانو في الميدان منذ اليوم الأول للثورة ولكن ليس بعدد كاف
تحياتي لموضوعك الرائع
صديقي العزيز أباوديان
نعم والله ظاطت ولكن في وسط من ذكرتهم من العامة من لاتصل غليه المعلومات إلا عن طريق وسائل إعلام النظام المخلوع فهي حتى اللحظات الأخيرة كانت تذكر الثوار بابشع الصفات وتمدح حكم جنابه وحكوماته وتسفه من قيمة الثورة فكان هؤلاء العوام من الناس أضحية ثم عدلوا رأيهم بعد نجاح الثورة ولكن (لفترة) فوسائل النظام البائد مازالت موجودة ومن تحت الحزام تبث السم في العسل لتوصل لنفس طبقة العوام الأفكار بأن الدولة ضاعت ولا امل إلا في عودة ماكان
وشهادة حق امام الله أنني اعرف مجموعة من الإخوان والمعتدلين كانو في الميدان منذ اليوم الأول للثورة ولكن ليس بعدد كاف
تحياتي لموضوعك الرائع
العزيز أبا عطوة
أنا أقصد فئات معينة من فئات معينة
ولكن لا أخص بالذكر الجميع
وأنا أيضاً معكَ في مقولتك
كل التحايا لكَ
يا سلام يا أبو وديان لما بتكتب ... بتكتب
أنا طبعا مريت على الموضوع أحييك أولا لانه من نبض قلمك وفكرك
مع اني وأوعى تقول لحد نص الكلام ما فهمته لانه باللهجة العامية المصرية
بداية من العنوان... شو يعني ظاطت ؟
الاهم اني تعلمت أن الجيل الشاب اللي بسمع وبتابع حواراته بيتفقوا على نفس الاراء ...
الله يصلح أحوال الجميع
__________________
«Failure is instructive.
The person who really thinks learns quite as much
from his failures as from his successes.»
يا سلام يا أبو وديان لما بتكتب ... بتكتب
أنا طبعا مريت على الموضوع أحييك أولا لانه من نبض قلمك وفكرك
مع اني وأوعى تقول لحد نص الكلام ما فهمته لانه باللهجة العامية المصرية
بداية من العنوان... شو يعني ظاطت ؟
الاهم اني تعلمت أن الجيل الشاب اللي بسمع وبتابع حواراته بيتفقوا على نفس الاراء ...
الله يصلح أحوال الجميع
ياقيثارة مش قلتلك قبل كده لو عايزة تتعلمي مصري دي بسيطة
انتي بس نص ساعة ف التحرير وسط الهتافات هتلاقيكي بتتكلمي مصري
ههههههههههههه
هيدا شيء بسيط ياباشا
أو
لمشاركة أصدقائك!
09-18-2011, 05:51 PM
" ماهي ظاطت بقى "
رد: " ماهي ظاطت بقى "
العرض المتطور
المواضيع المتشابهه
الاقسام العامة