سلسلة مشاكل الكمبيوتر وعلاجها

أخواني الاعزاء اعضاء ومشرفي ورواد نبض الأمل

يسعدني تواجدي بينكم ويشرفني قبولكم لي كفرد من أفرد اسرتكم الكريمة

ولذلك قررت ان تكون باكورة مواضيعي في ذالك الصرح العظيم

عبــــــــــــارة عــــــــــــــن

سلسلة مشاكل الكمبيوتر وعلاجها

الموضوع ببساطة عبارة عن سلسلة لاهم المشاكل التى ممكن ان تحدث اثناء استخدام الكمبيوتر

والتي تشيع ظهورها ونضطر الى احضار مهندسي الصيانة الى البيت او الذهاب الى مراكز الكمبيوتر

لذلك قررت عمل سلسلة متكاملة ان شاء الله ومتجددة باستمرار لاهم هذه المشاكل

وطرق علاجها بمنتهي البساطة لكي نستفيد كلنا

وادعوا اخواني الى تبادل الخبرات فمن له حل للمشكلة غير الذي سأقوم بطرحة فليتدخل

ولنفيد بعض جميعاً

آملين من الله ان نحقق الفائدة الكبرى من تواجدنا على شبكة الانترنت

الا وهي تبادل الخبارات واكتساب الخبرات الجديدة فى شتى المجالات

واود ان انبه الى ان هناك مشاكل تحتاج الى تدخل المتخصصين

وهناك مشاكل يمكن حلها بواسطة برامج سهلة وبسيطة

وهذا ما سأتطرق الية فى سلسلتس أن شاء الله تعالى

داعياً الى الله أن يوفقنا جميعأ الى ما فية مصلحة الجميع

تقبلوا تحياتي

أخوكم

أحمد المشناتي

الحلقة الاولى
كيف يعمل الجهاز

انا شايف اننا علشان نعرف نتعامل مع مشاكل الكمبيوتر يبقى لازم الاول نعرف ازاى الكمبيورت بيشتغل من اول ما نضغط على مفتاح البور لحد ما يظهر سطح المكتب

ياترى اية اللى بيتم اثناء الفترة دية الواحد بيبقى قاعد وعمال شاشات تظهر ادامة وتختفى طيب لية مفكرناش نسأل نفسنا اية اللى بيحصل فى الشاشات دية

العملية بسيطة جدا يلا بينا نعرف اية اللى بيحصل

1- عند الضغط على مفتاح البور تنتنقل مجموعه شحنات من الـ Power Supplay الى Mother Board يعمل على اسسها المعالج

2- يقوم المعالج بانتاج اشارات الى BIOS الذي يقوم بتشغيل برنامج صغير فى اللوحة الام يسمى Boat Strab Leader ودا موجود على الذاكرة Rom

3- يقوم هذا البرنامج بتشغيل عملية الفحص الذاتي للجهاز واللى بتسمى POST وهي اختصار لـ Power On Self Test

4- يقوم ال POST بالاتي :-
* يقوم بعمل فحص لل بروسيسور
* يقوم بفحص كارت الشاشة
* يقوم بفحص الرامات
* يقوم بفحص الـ Timer System وهو برنامج يقوم بتنظيم العمليات الموجودة حسب الوقت والترتيب
* يقوم بفحص باقى المكونات المادية ويتأكد من سلامة وصحة توصيلها بالجهاز
وعند اكتشافة اي خطأ يتوقف الجهاز عن الاقلاع ويعطي تنبيه بحسب نوع الخطأ الموجود فمثلا لو الخطأ عطل فى الرامة او غير موصله نجد يعطي صفارة تختلف حدتها على حسب نوع العطل الموجود فى الرامة

5- يتم تحميل نظام التشغيل Locate and Loaaaad System حيث يقوم ال BIOS بالبحث عن نظام التشغيل على الهارد ديسك وذلك بالبحث عن ملفات الفات وخاصة Mster Boot Record وهو الملف الذي يكون مسجل علية نظام التشغيل ويكون موجود على الراك رقم زيرو 0

ويبداء سطح المكتب فى الظهور

اسف لو كان فى مصطلحات علمية كتير بس من وجهة نظرى كان لازم نعرف ازاى الجهاز بيشتغل قبل ما نبدأ فى حل المشاكل اللى بتواجه لو فى اي حاجة محتاجة لتوضيح او مش مفهومة ياريت تعرفوني وانا احاول ابسطها ان شاء الله

نلتقي فى الحلقة القادمة أن شاء الله تعالى

أحمد المشناتي

أخي الفاضل خبير التقنيات والبرمجة
الباشمهندس أحمد المشناتي
مرحى بك مليون وبأولى قطرات غيثك النمير
وهذا الطرح الرائع وهذا المجهود الكريم
نفعك الله ونفع بك وجعله في ميزان حسناتك يوم القيامة
وإنه لفخر لنا أن يكون بيننا من هم أمثالك من محبي الإفادة والخير للجميع
دمت أيها النبيل وأدام الله عليك من فضله العميم
وفي انتظار المزيد من مثل هذه المعلومات القيمة والمواضيع الهادفة
مع خالص الشكر والامتنان والعرفان والتقدير
بالأصالة عن نفسي وبالنيابة عن الجميع
آمال

المشاركة الأصلية كتبت بواسطة آمال محمود كحيل

أخي الفاضل خبير التقنيات والبرمجة

الباشمهندس أحمد المشناتي
مرحى بك مليون وبأولى قطرات غيثك النمير
وهذا الطرح الرائع وهذا المجهود الكريم
نفعك الله ونفع بك وجعله في ميزان حسناتك يوم القيامة
وإنه لفخر لنا أن يكون بيننا من هم أمثالك من محبي الإفادة والخير للجميع
دمت أيها النبيل وأدام الله عليك من فضله العميم
وفي انتظار المزيد من مثل هذه المعلومات القيمة والمواضيع الهادفة
مع خالص الشكر والامتنان والعرفان والتقدير
بالأصالة عن نفسي وبالنيابة عن الجميع
آمال

سعدت بكونك اول من يرد فى هذه السلسلة المتواضعة

التى اسأل الله ان تفيد جميع المسلمين

منورة استاذة آمال

ومستعد لأي استفسار

موضوع يستحق التثبيت
مع خالص الشكر والتقدير وبارك الله فيك

أشكرك من كل قلبي على ردك الرقيق
وعلى استعدادك الكريم للإجابة عن أي استفسار لي أو للآخرين
وسأفعل بإذن الله إن عن شيء أو طرأ طارئ ما
مع خالص التحية وصادق الدعوات
آمال

الحلقة الثانية
الحقو الكمبيوتر مبينطقشي




المشكلة
الكمبيوتر لا يريد أن يعمل ولا يعطي اي اشارة نهائيا عند التشغيل كأنة ميت ؟

الحل
من اصعب المشكلات اللى ممكن تواجه المستخدم ان الكمبيوتر مينطقشي لان ساعتها كل الافكار السيئة يتيجي بقا الكمبوتر باظ ولا انا عملت اية هو مين اخر واحد قعد على الجهاز اه اكيد هو اللى بوظة
براحة شوية تعالوا نمشي مع الاحتمالات احتمال احتمال ونشوف السبب فين وأن شاء الله نوصل لحل
1-اول حاجة نعملها نشوف توصيلة الكهرباء
اذاكان الجهاز شغال اخر مرة وانت عملت له (( ايقاف تشغيل)) و طفا ورجعت تشغله مشتغل ده امر سهل ان شاء الله شوف التوصيله بين الكمبيوتر والحيطة هل متوصله صح وهل الفيشه فيها كهرباء ولا لأ
أو الفيشة اتهزت من مكانها للاحتياط افصل الكمبيوتر عن الكهرباء دقيقة وارجع وصله ثاني لو اشتغل ok لسه
انقله لفيشة ثانية و شوف
2- لو عملت الخطوة الماضية ومشتغلشي يبقى اكيد فى عطل فى شئ او مكون معلق
أ- شوف مفتاح التشغيل هو رده فعلة طبيعي ولا يمكن مكسور يعني لو دخل مطلعش ولا مبتسمعش صوت تك صغيرة هيكون هو السبب
وده ممكن اصلاحه بسهوله ذي اي مفتاح عادي

ب : المفتاح سليم :
شوف الشاشة هل الشاشة وخذه كهرباء من الجهاز لو متوصله بالجهاز شوف اللمبة الصغيرة التي بها لو ملونه اصفر تبقى الكهربا و صله للجهاز
وهنا نشوف اجزاء الجهاز المتصله بالكهرباء

لو المروحة اشتغلت والجهاز لا هنا نقول ان اللوحة الام سليمة و العيب اما معالج او 1- Power supply دي المسئوله عن ضبط الكهرباء داخل الجهاز المفروض لو ان اللوحة الام سليمة اول ما تضغط مفتاح الجهاز مروحتها الخلفية تشتغل Power supply

لأ منطقتش

ماشتغلشي بردة بكل حرص شيل الرامة ونظفها كويس بقطعه صوف فى اتجاه واحد وركبها تاني وباستخدام بلور او سيشوار ونظف الاتربة من على البورة وغالبا ماتكون الاتربة هي السبب ممكن ان تعوق اي جزء عن القيام بمهامة
لو بعد دة كله الجهاز مشتغلشي ابقى عرفني وان شاء الله اقولك بقا تعمل اية سعتها

تقبلوا تحياتي
أخوكم أحمد المشناتي

جزاك الله خيرا أخي الفاضل أحمد
ولهذا الجهد الطيب والمبذول جعله الله في ميزان حسناتك
ونفعك به خير الجزاء
متابعين معك بمشيئة الله
خالص التقدير لجهودكم الكريمة

المشاركة الأصلية كتبت بواسطة وفاء كحيل

جزاك الله خيرا أخي الفاضل أحمد
ولهذا الجهد الطيب والمبذول جعله الله في ميزان حسناتك
ونفعك به خير الجزاء
متابعين معك بمشيئة الله
خالص التقدير لجهودكم الكريمة

وجزاكي مثلة اختي الغالية الاستاذة وفاء

يارب تكون الدروس مفيدة لحضرتك

الكمبيوتر بيموت عبال لما يشتغل





اسرتي العزيزة اسرة نبض الامل كتير لما نيجي نشغل الكمبيوتر بيفضل فترة عبال لما نبدا نستخدمة يعني بعد ظهور سطح المكتب بيفضل فترة مهنج وبعدين نبدا نتعامل معاه الفترة دية بتطول وتقصر من جهاز لاخر وان جيتوا للحق بتكون مملة انك تفضل قاعد قدام الكمبيوتر بلا حركة مستنية لما يخلص تحميل ويبدأ يتعطف عليك ويسمحلك انك تشتغل وتستخدمة

طيب ولية اية رايكم نلغي الفترة دية خالص ونقضى على التهنيجة دية من الاساس

ياترى ممكن .......؟


دا موضوع الحلقة الثالثة ان شاء الله

يلا بينا نبدا


اولا اسباب الحكاية دية مبيكونشي عيب فى الجهاز ولا فى قدرات الجهاز مطلقا لا السبب بيرجع الى البرامج المتسطبة على الجهاز ........ازاي طيب براحة علينا يا احمد ؟

بصوا العملية سهلة وبسيطة اي برنامج بنسطبة على الجهاز بيحط نفسة تلقائيا وبدون اذن مني فى قايمة بداية التشغيل وبالتالى عند تشغيل الكمبيوتر الفترة ما بين ظهور سطح المكتب وما بين بداية استخدامي للجهاز بتكون لتشغيل البرامج دية وطبعا حتطول اذا كنت انا مسطب برامج كتيرة

السؤال بقا ازاي احزف البرامج من قايمة بداية التشغيل ؟

الحل فى منتتهي السهولة يلا بينا نشوفة


1- افتح قايمة ستارت واضغط على Run
2-اكتب فى قايمة رن الامر التالى msconfig
3-حايفتح قائمة انتقل الى التبويب Start up
4- حتلاقي كل البرامج المتسطبة على الجهاز وحتلاقي ادامها مربع محطوط فيه علامة صح ودا معناه انه لازم يشتغل اول ما الجهاز يشتغل
5- حنلاقى امر تحت اسمة Disable All ودة حيعطل كل البرامج وميخلهاش تشتغل فى بداية تشغيل النظام

ملاحظة :

ملحوظة هامة ممكن تلاقي حد يقوللكم متضغطوش على الامر دة للانة حيعطل تشغيل كل البرامج وفى برامج اساسية الجهاز لازم يحتاجها عند التشغيل كلامة صح جد جدا بس فى حاجة انا كمستخدم عادي للكومبيوتر اززاى حاعرف البرامج اللى الكومبيوتر محتاجها من البرامج اللى مش محتاجها .......اومال اية الحل ؟ الحل اضغط على امر DisableAll والجهاز تلقائيا عند اعادة التشغيل حيفعل البرامج اللى بيحتاجها فقط للتشغيل يبقى كدا انا شيلت البرامج الضرورية بدون اضرار بالجهاز

6- بعد الضغط على اوك حتطلع رسالة تقول لازم الكمبيوتر يعيد تشغيل نفسة من المستحسن انك تضغط موافق وتخلية يعيد التشغيل لكن لو بتعمل حاجة على الكومبيوتر ممكن تختار restart later

7- بعد اعادة التشغيل حتلاقى الكومبيوتر بيفتح بسرعه جدا وحتطلعلك مربع حوارى نشط المربع اللى معناه متعرضشي الرسالة دية مرة تانية


وبكدة نكون سرعنا الجهاز بتاعنا وقضنا على الملل فى الانتظار

يارب تكونوا استفدتوا مني انا مرضتشي احط صور لان الموضوع بسيط لو احتاجتو تدعيم بالصور ممكن تعرفوني

منظر ردودكم مشاركاتكم واستفساراتكم

لكم مني كل تحية وتقدير

اخوكم أحمد