طريقة التخلص من حب الشباب في شهرين

طبعا لازم الهمه و النفسيه الحلوه والا لا تبدئين اساسا
واول شي نحتاج نوخر الحبوب المزعجه اللي تكون بارزه و مليانه دهون
وهالشي ما يصير الا بالخلطات المضمونه
لان غالب البنات يشترون كريمات و خرابيط و يخسرون فلوس الدنيا كلها واخر شي الحبوب ترجع و اقوى من اول
احلى شي يكون كل شي طبيعي
صحيح ان العلاج بطىء ( شهرين ) لكن حلو و ممتاز

استخدمي قناع الـنشا عشان تجفف الحبوب

المكونات :-
ملعقة نشا + كميه اقل منه من ماء الورد + قطرة عسل
تحطينهم لمدة ساعه ونص .. او ساعتين على البشره

في بنات يحبون يسخنون هالخلطه على النار عشان تكون متماسكه
لكن لا تبقى على النار الا ثواني
و لما تبرد تحطينها على بشرتك كل يوم

الخلطه الثانيه هي :-

عصير برتقاله وحده + ملعقه كبيره حليب بودر
لمدة ساعه ونص او ساعتين بعد
اهم شي انج تستخدمين هالخلطات يوميا
مو شرط كلهم في يوم واحد
يعني ممكن اليوم تخطين خلطة البرتقال
وبكره خلطة النشا و ماء الورد اللي يريحك
و تقدرين تريحين بشرتك يوم بالاسبوع
لان علاجنا اساسا لمدة شهرين بس
يعني 8 اسابيع او اقل
تقريبا راح تستمرين اسبوعين مع هالخلطات كحد اقصى
( على حسب نوع البشره و استجابتها )
و في بنات ممكن ما تنشف الحبوب معاهم بسرعه
لكن اهم شي انك تشربين ماء بكثره
7 كاسات ماي كل يوم
و خلال فتره العلاج حتى لو خلصتي
لازم كل يوم تغسلين بماء الورد
الطريقه الحلوه انك تغسلين بشرتك وتغسلين ايدك كويس
وافضل شي اهي صابونة كلين اند كلير روعه
لانها ما تجفف البشره
وبعدها تاخذين ماء الورد وتصبين منه شوي في صحن صغير
يكون صحن خاص فيك
المهم كل يوم .. مرتين باليوم
تغسلين بشرتك بهالماء لانه حلو وينظف ع العميق
و يمنع ظهور الحبوب
لكن ديري بالك لا تفركين الحبه بقوه عشان
ما تنعصر و يطلع اللي فيها و بهالشي تزيد حبوبك
كل شغله قلتها فوق ضروريه حيل
و لو احد منا اهمل اي شي صغير منها
ما يفيد العلاج
و يروح الجهد كله سدى
استمري على العلاج لما تروح كل الحبوب
و تلاحظين ان بشرتك مليانه اثار حب
بدون حبوب موجوده فيه يعني مجرد اثار غامقه

خلصنا بموضوع الحبوب ؟؟
الحين قبل لا نبدأ لازم تتأكدين ان البشره خاليه
من الحبوب اللي فيها دهون
وان كل اللي في بشرتك هي اثار لونها بني غامقه
لكنها فاضيه ماكو داخلها شي
يعني مو بارزه برا البشره
وطبعا ماكو مثل غسول ماء الورد
اهو اللي بيطلع كل الدهون و الاوساخ خلال ايام
المهم حتى نبدأ بالتقشير
لازم تستخدمين اقوى مقشر على الاطلاق وهو اكسترا دريم
مقشر ممتاز وسريع المفعول
لكن ديري بالك وانتي تستخدمينه هذا مو كريم عادي
هذا اي غلطه ممكن تعدم بشرتك
في بنات يفضلون يستخدمون كريم ( رتن a )
لكن انا صراحه افضل اكسترا دريم لان مفعوله اقوى
المهم اولى الخطوات اهو انك تروحين للصيدليه
وتطلبين اكسترا دريم extra dream 3
اختاري النوع الثالث مكتوب عليه رقم ثلاثه
لان اهو اقوى شي
و لما تردين للبيت تروحين تغسلين بماء الورد
وقبل لا تنامين تحطين الاكسترا دريم
في اكثر من طريقه لاستخدامه
ممكن تحطينه بقطنه و تمسين فيه بشرتك
وممكن بكلينكس
افضل طريقه اهي انك تحطينه في صحن صغير
يكون خاص فيه لانه يصبغ على الصحون
لكنه ما يصبغ على البشره
تحطينه قبل النوم
واول ما تقعدين راح تتخرعين لان بشرتك بتصير
كانها سمكه مطلعينها من البحر قبل يومين
هههههههههههه
فلا تخافين لان هذا شي طبيعي
لكن اهم شي انك ما تنامين بدرجه حراره مرتفعه مرة

لازم يكون الجو حلو او بارد او معتدل لكن مو حار
خلال هالفتره لازم ما تتعرضين لاشعه الشمس
والا ترى بتطلع نتيجه عكسيه و تتدمر بشرتك
لان المقشر ما يصير تطلعين فيه بالشمس
او حتى لو غسلتيه ما يصير تطلعين خلال هالفتره
و خلال هالفتره اي مكان تبين تطلعين له
لازم واقي ضد الشمس اقل شي حمايه 80ضروري
المهم و نفس الشي لا تتعرضين للبخار
لان البخار حاله حال الشمس
واذا انتي مضطره تطبخين حطي الواقي
وحاولي ما تتعرضين للبخار و شغلي التكييف بالمطبخ
ترى اي غلطه ممكن تندمين عليها طول عمرك والله
المهم استخدميه لما تحسين ان الاثار قربت التخف
ممكن تلاحظين ان الحبوب صارت تطلع مره ثانيه
لا تخافين قاوميهم بماء الورد
لكن لا تستخدمينه كل يوم طبعا لانه قوي على البشره
احلى شي انك تستخدمينه يومين ورا بعض
بعدين تريحين بشرتك يومين
( تريحينها من الاكسترا دريم مو من الباقي )
لان الخلطات ضروريه و حتى ماء الورد ضروري

المهم كدا نكون خلصنا
وراح تلاحظين مع الوقت اثار الحبوب قاعده تخف بشكل روعه
منقول

أختي الحبيبة سمر
شكرا لك ولجهودك الرائعة وللنقل الكريم وبارك الله فيك

بارك الله فيك غاليتي سمر على هذا النقل القيم
وجعله المولى في ميزان حسناتك يوم القيامة
مع خالص احترامي وتقديري
آمال

شكرا على المعلومات الرائعة أستاذة سمر
تحياتي

المشاركة الأصلية كتبت بواسطة وفاء كحيل

أختي الحبيبة سمر
شكرا لك ولجهودك الرائعة وللنقل الكريم وبارك الله فيك

المشاركة الأصلية كتبت بواسطة آمال محمود كحيل

بارك الله فيك غاليتي سمر على هذا النقل القيم
وجعله المولى في ميزان حسناتك يوم القيامة
مع خالص احترامي وتقديري
آمال

المشاركة الأصلية كتبت بواسطة جودي أسعد

شكرا على المعلومات الرائعة أستاذة سمر
تحياتي