خطاوى الليل للدكتورة آمال كحيل

http://www.3yonhala.com/up/files/qes6r88fglginl95wz8v.mp3
رابط خطاوى الليل

***************************
قصيدة للشـــــــــاعرة الدكتورة آمال كحيل يصوت الشـــــــاعر محمد الأنور

خطـــاوي الليل

خطــاوي اللـيل
وصـرخة يأس هـزتني
وصوت مواويل
ودمعة حزن سالت من
عيون قلبي
وطفِّت للأمل قناديل
وفُقت ف لحظة
من حلمي اللي شرَّدني ف
سكك نائية
لقيتني رجـعت من تاني
لا بر أمـان ، ولا مـأوى
في صحرا العمر والأيام
بالف وادوووور
كما الســاقية
وآه يا خطوة ليه دايمًا
تعـانديني ، وتشـــقيني
وليه للماضي ودروبــه
تمللي يا خطوة تنفيني
أكمِّل قصة ما اخترتش
في يوم أكتب
لهـا نهاية ؟؟
دا كان حبل الأمل موصول
لقلبي بضيِّ نجماية
لكن كل النجوم غارت
في ليل أحزان مالوش آخر
وتــــاه في الســكة
ألـف دليـــل
ولسه النبض بيكابر ؟
واقولك إيه ؟
يا قلب عليل
نزف دمُّه ، وموش قادر
يداوي آلامــه بالنســـيان
ولا يفــارق ، ولا يغـادر
خلاص أرجوك
دانا الموجــوع
وموش هاقبل أبات عاشق
أهادي الورد وأحصد شوك
وجرحي في الضلوع غـاير
وليه أفضل سجين الشــوق
وخــوفي لبكــرة نتفـــارق
خلاص مليت من الأوهام
وضـاق القلب م الأحزان
وآن الوقـــت نتعـــانــــق
هاودع غربتي ويــاه
وهاتصالح مع الأيام
وموش هاندم ، ولو ثانيــة
على الماضي وع اللي كان
ما مات جوايــا من بــدري
هواه لحظة غدر بي وخان

بقلم
آمال محمود كحيل