دجاج استيك .. بصلصة المشروم

خلاص دلوقتي انا لا شاعرة ولا غيره
انا الشيف روز
ههههههههههههههه

ده من اكلاتي المفضلة ..

المكونات

** صدور دجاج
** ملح - فلفل اسود - بهارات ايطالية - خل بلسميك - فطر - 2ملعقة دقيق - 2 ملعقة زبدة
كوب ونص حليب - كريمة خفق - زيت بسيط للتحمير

الطريقة

** صدور الفراخ تدق قليلا
** ترش بالملح والفلفل والخل وتترك 10 دقايق
** تحمر في قليل من الزيت لغاية مايبقى لونها دهبي غامق
طبعا التحمير على نار هادية وتغطيها وتقلبيها من وقت للتاني
لغاية ماتتحمر كويس .. ركزوا معايا


&&&&الصور منقولة ... عايزة اوريكم الشكل
لكن ده طريقتي لازم تعرفوا ده






** تشيليها من الطاسة وفيها على طول تزودي الزيت الخفيف قوي ده
الزبدة وبعدين الدقيق
** لما الدقيق يصفر خفيف نضيف الحليب وتتبلي الخليط ده بمكعب ماجي او
ملح وفلفل والبهارات الايطالية ورشة ريحان جاف ورشة اوريجانو





** لما يغلي الخليط بتضيفي الفطر 5 دقايق
وطبعاً درجة كثافة الصوص بتتحكمي فيها
بس يكون مش خفيف .. تقيل نوعاً ما
** وبعدين تضيفي الكريمة وتقلبي لمدة دقيقة
ممكن تخلي الصوص لوحده بدون الدجاج
وممكن تخلي الدجاج فيه براحتك


وخلاص .. خلصت الشغلانة
انتي حتقعدي اليوم كله في المطبخ
هههههههههههه


** بتقديمها مع ارز ابيض بس يفضل بسماتي ممكن بالكاري او لأ.. حسب رغبتك
** ممكن مكرونة اسباجتي
** وطبعا معاها لازم بطاطس جوانح (ويدجز)
طبعاً عارفة تقطيعها ازاي وتكون بالقشر


&&&&& ده شكلها وبرضه الصورة منقولة ........




وتحطي عليها رشة زيت زيتون ورشة ملح ورشة اوريجانو وتقلبيها كويس
وتدخليها في صنية الفرن لغاية ماتستوي


وبالهنا على قلوبكم

ياااااااااااااااااااااااااه والله تعبت
وعليكم بخير كل سنة انزل وصفة

هههههههههههه


تحياتي
طبعاً هنا مش وردية خالص
تحيات كلها بصل وتوم
ههههههههههه