الشرعية والملوخية والرز بلبن والمهلبية

الشرعية والملوخية والرز بلبن والمهلبية

الان يصرخ الاعلام المصرى الرسمى من خلال رجاله وسيداته وضيوفهم من الخبراء والعلماء والناشطين والوطنيين الثوريين ماركه اسامه هيكل وزير الاعلام
يصرخون جميعا فى وجه اى نقد لحسين طنطاوى ( وزير دفاع مبارك ) ومجلسه العسكرى
خروج على الشرعية
انفلات امنى متعمد برعايه ودعم وتشجيع حسين طنطاوى ومجلسه العسكرى
شرطه مقموصه وواخدة على خاطرها وحالفه ما ترجع لجوزها الا لو جاب لها تليفزيون اربعين بوصه
انهيار اقتصادى حتى اصبحت مصر علىا وشك الافلاس برعايه حسين طنطاوى ومجلسه
فتنه طائفيه ماركه امن دوله برعايه المجلس العسكرى برئاسه طنطاوى
فوضى عارمه تضرب مصر كلها طرق تغلق وموانى تحاصر وقرى تتبادل خطف الرهائن ومدن وقرى تعلن الحرب على بعضها كل ذلك ماركه امن دوله
نظام فاسد يستمد وجوده من رعايه ودعم طنطاوى ومجلسه العسكرى احد اشد اركان نظام مبارك فسادا
جيش يتم دفعه لمواجهه مع شعبه بمنتهى الخسه والحقارة والاستهتار بمصلحه الوطن وامنه القومى

وعندما يخرج شرفاء مصر ضد كل ذلك
يصرخ اسامه هيكل وحريمه
انقذوا الشرعية من الخوارج والفئه المندسه
انقذوا مصر من تلك الشرزمه والقله الخارجه على الشرعية
انقذوا مصر من هؤلاء العملاء الذين يتلقون تمويلا خارجيا
انقذوا الشرعية فى مصر
وتساءلت حائرا هى الشرعية دى بنت صغيرة ضحكت عليها القله المندسه وسقتها حاجه صفراء زى الافلام العربى القديمه وجابت لحسين طنطاوى ومجلسه العار !!!!
ولا الشرعية دى عيل تايه فى المولد واهله بيدوروا عليه وكلفوا حسين طنطاوى ومجلسه بانهم يلفوا البلد ينادوا شرعيه تايهه يا ولاد الحلال !!
وياترى ايه هى علاقه الشرعية دى بحسين طنطاوى وزير دفاع مبارك ومجلسه العسكرى غير انها زى جواز عتريس من فؤاده باطل !!

نرجع للقصه من اولها
ثار الشعب المصرى
قامت الثورة فى مصر
وتم خلع مبارك وشله من عصابته المقربه بعد ان ادركت العصابه كلها انها فى خطر كبير فقررت تخلع مبارك وشويه صبيان فى محاوله لاجهاض الثورة والضحك على الثوار حتى لا يتم القضاء على كامل العصابه

وخرج حسين طنطاوى ومجلسه العسكرى على المصريين صارخين احنا اللى حمينا الثورة واحنا متعهدين بحمايه الثوار
وفى مشهد تهريجى بحت ادى احدهم التحيه العسكرية الى ارواح الشهداء
ورايت الفرحه فى عيون الكثيرين
وانا راجل نكدى بطبعى
وكنت اسال كل من ارى الفرحه فى عينه
هو الشهداء دول مش اتقتلوا تحت نظر وعين حسين طنطاوى ومجلسه رغم ان المجلس ده اعلن انه يحمى الثورة !!
وبعدين هو مبارك ده مش القائد الاعلى لقوات المسلحه المصرية وهى صفه عسكريه تجعله خاضعا للقانون العسكرى
وفى القانون العسكرى جريمه اسمها تهديد الامن القومى لمصر بالخطر
واطلاق النار على المتظاهرين العزل
وحشد الجيش فى مواجهه الشعب
ومحاولات تفجير الفتنه الطائفيه
كلها تصرفات تقع تحت طائله قانون الاحكام العسكرية طبقا لنص ( تهديد الامن القومى لمصر )
طيب حسين طنطاوى ليه ما بيحاكمش مبارك عسكريا رغم ان نفس طنطاوى ومجلسه العسكرى يحاكمون الثوار المدنيين الذين ليست لهم اى صفه عسكريه عسكريا !!

نرجع للملوخية والرز بلبن والمهلبية
باى شرعية يتولى حسين طنطاوى ومجلسه العسكرى السلطه فى مصر ؟؟

شرعيه حمايه الثورة
حسين طنطاوى اعلن امام المحكمه ان مبارك لم يكلف الجيش بضرب الثوار
طيب يبقى حمى الثورة من ايه ؟؟
وبعدين موقعه الجمل وقتل الثوار تم تحت سمع وبصر الجيش الذى لم يتدخل باى صورة لحمايه الثوار

جايز قصدهم شرعيه حرب اكتوبر ونصرها العبقرى
بس ده مردود عليه السادات رئيس مصر فى حرب اكتوبر قتل فى عرض عسكرى يقيمه الجيش وقتله ضابط جيش
وسعد الشاذلى رئيس اركان حرب القوات المسحله فى نمصر اكتوبر والاب الشرعى لنصر اكتوبر حكمت عليه محكمه عسكريه بالسجن وصدق حسين طنطاوى بنفسه على الحكم وتم سجن سعد الشاذلى

لم يتبقى سوى شعريه ( اسف اقصد شرعيه رغم ان شعريه هى الادق للواقع ) امتناع حسين طنطاوى ومجلسه عن التطوع باصدار الامر للجيش بضرب المدنيين المصريين
لكن تظل عدة مشاكل ترفض هذه الشعرية
اولا ليس من سطله حسين طنطاوى ومجلسه اصدار الامر للجيش بضرب المدنيين بالرصاص وهو ما تكرر الاشارة اليه كثيرا من اعضاء المجلس العسكرى فى معرض المن على الشعب عندما يصرخون شوفوا ايه اللى بيحصل حوالينا فى اشارة الى ليبيا وسوريا
متناسين ذلك اال0ختلاف الكبير بين الجيش المصرى الذى يتكون من خليط من كل ابناء مصر
والجيش الليبيى القائم على القبليه
والجيش السورى القائم على الطائفيه
ولنفرض انه حدث وانهم اصدروا ذلك الامر
ولنفرض ان الجيش استجاب لهم وقام فعلا بمحاوله التصدى للثوار بالقوة والعنف

لنتذكر فقط ان مليون ونصف المليون مقاتل امن مركزى ( قيادات وضباط وجنود ) مدججين بالاسلحه التى تتناسب مع مهمه التصدى للمظاهرات والثورات الشعبيه
ولديهم خبرة كبيرة فى ذلك
ورغم ذلك فشلوا فى التصدى للثوار المصريين وانهاروا فى مواجهه تلك الثورة

بينما الجيش المصرى بتسليحه وخبراته لا يصلح الا للحروب النظاميه ضد جيش معادى فى الصحراء
فكان حتميا لا ى عاقل اتن يستنتج الفشل الزريع للجيش المصرى اذا كلف بهذه المهمه
يعنى نحمد ربنا ان الثوار لم يضربوا الجيش ويفتكوا به مثلما فعلوا بالامن المركزى

واثق ان حسين طنطاوى ومجلسه يعلمون ذلك جيدا ويعلمون انه لو حدثت تلك المعركه بين الجيش والشعب لتحولت الثورة من سلميه الى ثورة دمويه كانت راس طنطاوى ومجلسه اول ما سيسقط فيها
واعتقبد ان هذا هو السبب الوحيد الذى ردعهم عن التفكير فى ذلك الطريق

يبقى بكده سقطت قصه شرعيه حمايه الثورة
وسقطت اى شرعيه للجيش تستند الى نصر اكتوبر
والادهى ان حسين طنطاوى ومجلسه العسكرى يتولون السلطه بقرار من مبارك الذى خلعه الشعب
يتولون السلطه بتفويض من مبارك الذى فقد كامل شرعيته !!!!!!!!!!!!
ثم يصرخون انقذوا الشرعية !!
اعتقد انهم يعنون انقذوا الملوخية والرز بلبن والمهلبية

اتمنى ان ينشغل رجال الاعلام المصرى بخبرائهم واساتذتهم وثوارهم فى تقطيف الملوخية
بينما تتفرغ نساؤهم لعمل التقليه
وان يدعوا شرفاء مصر يحاولون انقاذها قبل فوات الاوان

نصيحه للاخوان المسلمين والسلفيين
المتغطى بالامريكان واتباعهم فى الدول العربية عريان
الرز بلبن والمهلبية فى الاخر من نصيب الثوار حتى لو كانوا شهداء

جمال النجار
مجرد واحد من بتوع العيش الحاف
والموت فى الحرب
والضرب ببوز الجزمه وبسن الكعب
مجرد واحد من اللى كانوا دايما
يقولوا عليهم ولاد الكلب الشعب