بيتزا خاصه

مقادير العجينة هي العجينة خاصة بالبيتزا فقط
1كيلو طحين
1ملعقة كبيرة خميرة
1 ملعقة كبيرة سكر
1ملعقة كبيرة ممسوحة ملح
2 ونص كوب ماء دافئ ،النص كوب ممكن يلزم وممكن مايلزم حسب نوع الطحين
6 ملاعق كبيرة زيت زيتون
الطريقة اول شي منخلط الخميرة مع السكر بكوب ماء فاتر ومنخلط المواد الجافة مع بعض بعدها منضيف كوب الماء مع الخميرة على الطحين ومنعجنها منيح ومنضيف 3 ملاعق زيت زيتون ومنعجن منيح حتى تتشكل العجينة اخر شي منرجع منضيف باقي مقدار الزيت ومنرجع منعجن هيك بتتكون معنا عجينه طرية مطاطه وما بتلزق بالايدين منخليها تختمر وافضل مكان لتختمر هوه المايكرويف منلفها ببلاستك التغليف وببشكير لتعتم وتخمر لمدة ساعه متل مو شايفين بالصورة العجين ارتفع واختمرت منحضر صينية الفرن ومندهنها بزيت زيتون ومنبلش نفرد العجينة بالايدين مع اضافة زيت من دون اي رشة طحين ومندهن صلصة البتزا بعدها جبنة موزوريلا واخر شي الخضار بندورة ، بصل ، فطر ،زيتون وممكن نضيف مرتديلا حسب الرغبة
ومندخلها الفرن على درجة حرارة 170 لمدة 20 دقيقة واذا الصينية اصغر بتحتاج وقت اقل انا الصينية كتييير كبيرة
الصلصة :
بصلة مع فصين توم منقليهن بزيت زيتون ومنضيف دبس بندورة ملعقة كبيرة منقليها لاقل من دقيقة وبعدها منضيف البندورة المخلوطة بالخلاط وومكن نقشر تلبندورة لنتائج افضل
واخر شي منضيف البهارات كاري ، فلفل اسود ، وبهارات بيتزا ،وزعتر بري كتيير طيب منخليها على النار للتسبك وتكون جاهزة
وصحتين وهنا أي استفسار انا حاضرة