ملف صوتى وحشـتينى للدكتوره آمال كحيل

http://www.3yonhala.com
/up/files
/hdcb9beavyx9mtusm8ir.mp3

ملف صوتى وحشــــتينى للدكتوره آمال كحيل بصوت الشـــاعر
محمد الأنور

وحشتيني
بقلم
آمال محمود كحيل

ولما انده
عليكي بكل وجداني
ألاقيكي
تيجيلي ف وسط أحزاني
ملامح طيف يواسيني
بهمس يشرّ حنيَّة
تربِّت إيده ع خدودي
وتمسح دمعة في عينيه
وأحس بنبض شراييني
يفوح بالشوق ويرويكي
واناديكي
وحشتيني يا نور عيني
يا أمي يا أغلى من غالية
وفين حضنك يدفيني
وفين يا أمي أيامك
تركتيني وفتيني
أعاني قسوة الدنيا
وفين رحتي
يا ساكنة ف بوحي
وف صمتي
وفي حروفي
ساعة خوفي ما يحتاجلك
وأندهلك
وحشتيني ولو أملك
أطير ليكي
بجناح شوقي
يا نبض اللهفة في عروقي
يا أغلى عندي من روحي
يطول نوحي
وتفضللي
ملامح صورتك الباقية
وذكرى الماضي وسنينه
وموال شوق بترنيمه
ياخدني لحضنك ف ثانية
تمدي إيديكي
تسقيني
ومن أحزاني تشفيني
واقولهالك صدى كلمة
ترج الروح
وادوب من لهفتي لضمة
وللحظة بوح
وحشتيني
يا روح الروح
يا معنى القرب واللمة
ومهما البعد يضنيني
بيكفيني في ليل ضلمة
أحس انك محاوطاني
وإن عينيكي حارساني
كما النجمة
وآاااااااه يمه
وحشتيني وحشتيني