بليز عاوزة رايكم بالموضوع

فيه بنت محترمه تدخل المنتدى بعد 12 بالليل ؟؟؟؟

الســــــــــــلام عليكم
اخباااااااركم ان شاء الله تمااااااااااااااااااااااام

اممم انا داخله أكتب الموضووع وكلي عصبيه
وبنفس الوقت
علامات التعجب والاستفهام تدور في داخلي

انا بكتب لكم حوار صار لواحده من صديقاتي في احد المنتديات وهذا الشي اللي خلاني انفعل
واناقشكم في الموضوع ><

الحوار هو كالتالي : للتوضيح
الحوار كان في الرسايل الخاصه بين عضو وصديقتى.. في احد المنتديات

الولد : السلام عليكم الغاليه .. ممكن نتعرف فديتك !!

<<سخاااافه

البنت طااف ( يعني ما ردت على رسالته )

الولد : صووبنا يا حلووو .. ممكن اتعبرينا شوي..

والبنت بعد طاااف

الولد : انزين ليش جايه انتي .. مافيها شي لو رديتي علي .. يعني انا بعرفك والا بعرف اهلك .. عادي عادي ردي الغاليه لا تكونين معقده

اعلانات

<<وقاااااااحه بجد

البنت ملت من الرسايل .. عاد فوق العشر رسايل ورا بعض وبنفس الوقت .. اول ما تدخل المنتدى وهو هالكها بالرسايل

البنت : وعليكم السلام اخوي .. اسمحلي انا مو مال هالسوالف .. وهذا منتدى محترم مو للتعارف وغيره .. فلو سمحت اذا بغيت شي يخص المنتدى ارسل رساله واذا ماعندك شي مهم رجاءً لااترسل لي شي ..

الولد : ههههههههه هههههههههههه عاد تبين اتبينيلي انك واحده محترمه هههههههههههههههههههه هاي حركاتكم يالبنات .. لازم اول شي اتخلون عماركم شريفات وعقب يبين المستوووووور خخخخخخخخخ عيل داشه هالوقت المنتدى وتقولين عن عمرك محترمه خخخخخ..في أصلن بنت محترمه تدخل المنتدى بعد الساعه12 خخخخخخخخخخخخ والله انكم حااااله ..

<<عقول سقيمه بجد
..............

وانتهى الحوار لـ هذا الحد ..
لانه البنت مصدوومه من نظرة الشباب للبنت اللي تدخل المنتدى فـي وقت متأخر من الليل !!!
وقامت ورسلت الرسايل الخاصه كلها لمديرهم .. واتصرف في المووضوع بنفسه

سؤااالي اللي يطرح نفسه الحيــــــــن ..

هل فعلا نظرة الشباب للبنت اللي تدخل المنتديات او الشبكه العنكبوتيه بعد الساعه
12 تعتبر بنت مو محترمه ؟؟؟

هل فعلا تفكير كل الشباب ؟؟؟

او حتى لو جزء من تفكيرهم ؟؟

انزين ولو كان هذا هو تفكيرهم ؟؟

ممكن تعطونا الاسباب والمبررات؟؟

اللي تخليهم يفكرون بـ هالطريقة!!

الصراحه انا انصدمت من هالشي ؟؟

يعني هل للاحترام وقت معين ؟؟

مو المفروض الاحترام ينعرف من الاسلوب في التعامل ؟؟

ابي منكم اجابات ونقاشات لـ هالاسئله ..؟

وتقبـــــــــــلو خالص امنياااتي لكم بالتوفيــــــــق