متى نقضي على الكوسه و نقاوم الدكتاتوريا ؟

مين فيكم مش جواه دكتاتوري
تملى بنتكلم عن المحسبيات وعن الكوسه
مع ان حيتنا سورى كلها كوسه
لو انت مدير تبتحب تملي تشخط وتتخلق وكلمتك عوزها سيف على الرقبه ؟
ولو ليك ابن او قريب بتأشيرة وحدة من قلمك الماسي بتعينه او بتعينها
ولو حتى انت صاحب فرن وتشخط وتتخلق على الناس الغلابه
لكن لو وجدت قريب ليك او صديق العيش بيوصل لغيت البيت
ولو انت مفتش او سائق باص فى الهيئه العام للنقل العام
اكيد بتكون حاجز كرسي لا ابنك او احد الاقارب
وحتى لو انك موظف بسيط بتوصي توصي على ابنك
وتجامل مديرك عشان يرضى عليك
الله يرضى عليك
ولو انك موظف فى صرف المعاشات بتقبض لقريبك وبتمضيبالنيابه عنه عشان هو عندة شويه برد
مع ان الناس ملطوعه فى الشمس وعمال تشخط وتتخلق عليهم برغم كبر سنهم
وقيس الكلام دة وانت طالع او نازل على كافه المستوايات العامه والغمه اقصد الغير عامه
هل قضينا على الكوسه ؟
او ان كل واحد منا قتل الدكتاتور اللى بداخله ؟
طب ليه بنتكلم على الغير طالما احنا الخطأ متربع جوانا
ليه بنقول حسني مبارك عاوز يمسك علاء مبارك او جمال مبارك
مهو الرجل هو كمان من حقه يشوف ابنه مبسوط وسعيد
ولا هو حلو لينا ووحش ليك يا جارة
مش كدة ولا ياترى حد عندة راى اخر
؟؟؟؟؟؟؟؟؟؟؟؟؟؟

انا مليش دعوة بالسياسة
لكن أحب أقول رأيي
لو كل انسان بدأ بنفسه
أكيد حاجات كتير كانت اتغيرت
ومبقاش كوسه خالص
يمكن كان بدلوها بـ باذنجان

المشاركة الأصلية كتبت بواسطة سناء محمود

انا مليش دعوة بالسياسة
لكن أحب أقول رأيي
لو كل انسان بدأ بنفسه
أكيد حاجات كتير كانت اتغيرت
ومبقاش كوسه خالص
يمكن كان بدلوها بـ باذنجان

ولا اني ملنا ومال السياسه والرياسه
الدنيا حلوه وان شاء الله الى مزيد من الحلاوة الطحنيه

استاذة سناء الكوسه هي الاكله العصريه لانها سريعه الوصول قصدي الهدم قصدي الهضم

انا عارف انك معدتك رقيقه
بس فيها ايه لو كنتي جربتي ودقتي طعم الكوسه
اكيد كان في حاجات اتبدلت
ومع ان الدكتور كاتب ليه معلقتين كوسه قبل عالريق
وثلاثه بعد الغداء
وباليل قالي نام خفيف

كل ودي لكي
مودتي