حشوات للمعجنات

المشاركة الأصلية كتبت بواسطة وفاء كحيل

الله يسلمك يا آمال
ماشي
شوية وانزلك بموضوع جديد
فطاير لسه عاملاها النهاردا فريش يعني
إنتي تؤمري

والله انك طيبه يا فوفا
موش كفاية تاعبه نفسك معانا وبتعلمينا الطبخ
ويا ريت عاجبهم
انا لو منك اعترض

انا بهدي النفوس مش اكتر

المشاركة الأصلية كتبت بواسطة نورهان يوسف

ههههههههههههه وأنا معاكي يا دكتورة يا ريت لو تدوقنا الفطاير بكل الحشوات

تبقى عملت فينا معروف ههههههههه

هههههههههههههههههه
بقينا اتنين أهو يا نورهان
ووفاء الحقيقة من كرمها الحاتمي ما قالتش لا
إيه رأيك نفطرها يوم السبت بحكم إننا هانبقى صايمين بإذن الله
واهو وفاء تنول الثواب عن إفطار صائم
وحشتني تعليقاتك الجميلة يا غالية
محبتي بلا دموع
ههههههه

المشاركة الأصلية كتبت بواسطة وفاء كحيل

الله يسلمك يا آمال
ماشي
شوية وانزلك بموضوع جديد
فطاير لسه عاملاها النهاردا فريش يعني
إنتي تؤمري

يا سلام على كرمك الحاتمي يا وفاء
طول عمرك كريمة وجهدك كبير
ربنا يكرمك ويمن عليكي بالصحة والعافية
وما يؤمرش عليكِ ظالم يا غالية
وتسلم الأيادي ومانتحرمش منك يا رب

المشاركة الأصلية كتبت بواسطة نورهان يوسف

ربنا يخليكي وما يحرمني من فطايرك أبدا هههههه

ولا أنا
هههههههههههه

المشاركة الأصلية كتبت بواسطة سناء محمود

معرفش انك مفتريه يا امال
حرام عليكي اختك عامله عملية بإيديها ارحموها بقه
دا بدل ما تعملي انتي وتدوقينا

يا بااااااااااي عليكِ يا سناء
إنتِ داخلة تلبسينا تهمة ولا إيه يا حضرة النقيب
الموضوع دا قبل العملية ربنا يشفي وفاء ويعافيها
ثم على رأي الأغنية اللي بتقول :
حبيبي راضي وانا راضي مالك بقى ومالنا يا قاضي
وعلى الله بكرة ما تقوليش فين نايبي
وحاضر يا ست الكل
هاعزم كل المنتدى عزومة معتبرة بإذن الله
ها ... براءة ولا لسه من وجهة نظرك مدانة ؟
أيقونة بتطلع لسانها

المشاركة الأصلية كتبت بواسطة سناء محمود

حتى انتِ يا نورهان
مكنش العشم تشجعي اموله على الافتراء هههههههه

أخ يانا ... هي نورهان هاتروح فيها برضه
معلش يا نورهان يا حبيبتي ما تزعليش
أصلها بعيد عنك نقيب ومش هاتبطل افترا
لنا الله والصبر طيب

المشاركة الأصلية كتبت بواسطة سناء محمود

والله انك طيبه يا فوفا
موش كفاية تاعبه نفسك معانا وبتعلمينا الطبخ
ويا ريت عاجبهم
انا لو منك اعترض

انا بهدي النفوس مش اكتر

أمال لو مش بتهدي النفوس كنتِ عملتِ إيه يا سناء
يا رب وفاء ترجع لها صحتها وعافيتها وتعزم المنتدى كله كمان
ساعتها بقى هاتتمني فطيرة واحدة مش هاتلاقي
لأني هامنعك تدخلي الموضوع دا أساسًا
لغاية ما نخلص على الفطاير كلها
ههههههههههههه

المشاركة الأصلية كتبت بواسطة آمال محمود كحيل

يا بااااااااااي عليكِ يا سناء
إنتِ داخلة تلبسينا تهمة ولا إيه يا حضرة النقيب
الموضوع دا قبل العملية ربنا يشفي وفاء ويعافيها
ثم على رأي الأغنية اللي بتقول :
حبيبي راضي وانا راضي مالك بقى ومالنا يا قاضي
وعلى الله بكرة ما تقوليش فين نايبي
وحاضر يا ست الكل
هاعزم كل المنتدى عزومة معتبرة بإذن الله
ها ... براءة ولا لسه من وجهة نظرك مدانة ؟
أيقونة بتطلع لسانها

هههههههههه منا عارفه بس بأتلائم
بس كان مفروض تعزموني
هو انا اختكم ولا بنت الجيران
دي خيانة غير مبرره سامحكما الله يا بنات محمود
لو كان ببايا عايش مكنتوش استفردتم فيه
وكنتم طعمتوني من كل شيئ بتآكلوه
عشان كده انا حاسه بغربه زعلانه ومقموصة منكم
ولن أقبل بالصلح إلا في حالة خروف محشي
ومحدش يمد ايده عليه انا بقولكم اهه
ساعتها أفكر بس اصالحكم

المشاركة الأصلية كتبت بواسطة آمال محمود كحيل

أخ يانا ... هي نورهان هاتروح فيها برضه
معلش يا نورهان يا حبيبتي ما تزعليش
أصلها بعيد عنك نقيب ومش هاتبطل افترا
لنا الله والصبر طيب

انتي هاتزعليها بالعافية
هي اشتكت لك يا امول
ثم هأبقى رائد قريب

المشاركة الأصلية كتبت بواسطة آمال محمود كحيل

أمال لو مش بتهدي النفوس كنتِ عملتِ إيه يا سناء
يا رب وفاء ترجع لها صحتها وعافيتها وتعزم المنتدى كله كمان
ساعتها بقى هاتتمني فطيرة واحدة مش هاتلاقي
لأني هامنعك تدخلي الموضوع دا أساسًا
لغاية ما نخلص على الفطاير كلها
ههههههههههههه

لو مكنتش بأهدي النفوس
كنت ولعت لكم بقسم الطبخ كله
واتهمتك انك نسيتي حاجه على النار
وحليها بقه على ما تثبتي انك برئية
ههههههههههههههههههههههههههه