لحظة ضمير

أهـر وألــم .. ودمـع وأنيــن
وآآه بتصـرخ.. مـن سنـيــن
ياعرب كفايه .. فرقه وبعــاد
يلّه اصرخوا... اتحركوا
جه الميعاد
علشان نفوق.. وحكامنا يصحوا
م السبات
يلّه فى صوت واحد نقول
مع الجهاد... مع الجهاد
******
ببكى وبصرخ بأعلى صوت
وأقول يااااااااااااارب
رجع لنا صلاح وخالد
وعمر وعمرو
يخــدوا بإيـد قدسنـــا
ويحرروا بقه أرضنا
اللى ارتوت من دمنا
أضعف إيمانى هو الكلام
والكلام كتيـــــر
بس لازم لنا لحظة ضمير

كلام من القلب ويكتب بدمع العين

مليون سؤال وما فيش جواب
ولا فيه أمل يشفي الغليل
ليه الزهور
محكوم عليها تموت ، ولم
ييجى الربيع ؟؟؟
ليه كل حلم حلمنـــــا بيــه
بيشيَّعه شـلال دمــوع ؟؟؟
نصبح على صوت البارود
ونبات على
أشلاء وليد
الصبر فاااااااق كل الحـدود
وفي كل يوم فيه كم شهيد
وفي كل عيد
بنزف للموت الزؤام
أحلى الورود
صرخة ألم من وسط طلقات الرصاص
تصرخ تقول : يا من رضيتم بالخنوع
هوه خلاص
ماتت بواقي النخوة في نفوسكم ومات
فيكوا الشعور ؟
ليه حق شعبي في الحياة الحرة بات
رهن اللاءات ، والمستحيل
ليه السواد طمس النهـار ؟
والصمت بات هوه البديل ؟
طـال الحداد ، طـال النواح
لكننـــا برغم الجــراح
مستنظرين ضي النهار
مستنيين صحوة ضمير