علا ماهر تغني كلمات سعد الشرقاوى والحان محمد الآلاتي

بسم الله الرحمن الرحيم

اعزائى منتدى نبض الامل

اغنية(عينى عليك ياقلبى)
الكلمات/سعدالشرقاوى
الالحان/محمد الالاتى
الغناء/علا ماهر حامد

عينى عليك ياقلبى

آه ياعينى عليك ياقلبى
سهّيـتهم وخطفوك
ياقلبى عليك ياقلبى
داويتهم وتعبوك
منهم لله ياقلبى
حبيتهم وخدعوك
,,,,
انا كنت باشوف الدنيا
صافيه فى عنيهم حلوه
كان كل كلام ياقلبى
من بين شفايفهم غنوه
وف لحظه اتغيّر حالهم
وياريتهم ما حبوّك
منهم لله ياقلبى
حبيتهم وخدعوك
,,,,
اصبر ياقلبى معايا
واتحمّل الاسيّه
انا كنت بقول دامنايا
وحاسّين بللىّ بيّه
وف لحظه اتغيّر حالهم
وياريتهم ماحبّوك
منهم لله ياقلبى
حبيتهم وخدعوك
,,,,
دى حكاية حب طويله
وبديتها من النهايه
وف اوّل ليله جميله
ضاعت كل الحكايه
زىّ مايكونوا ياقلبى
فى منام جايين يزوروك
منهم لله ياقلبى
حبيتهم وخدعوك
,,,,
خليك دايما ياقلبى
شايل ويّاك حنيّه
لايظهر غدر حبايبى
وعوازلك يشمتوا فيّه
والناس ح يشوفوا ياقلبى
حبايبك بيعادوك
منهم لله ياقلبى
حبيتهم وخدعوك
,,,,
آه ياعينى عليك ياقلبى
ياللى دايما مجروح
ولاتجرؤ يوم ياقلبى
وتقدر بالسّر تبوح
وحبايبك جم على غفله
سهّوا ضلوعى وخطفوك
منهم لله ياقلبى
حبيتهم وخدعوك
,,,,
الصبر ان طال ياقلبى
لازم بيكون له نهايه
وانا شايف انّ حبايبى
بكره ح يصطلحوا معايه
وح اقول لك يومها ياقلبى
بسعاده الفين مبروك
وافرح واتهنّى ياقلبى
دا حبايبك بيحبّوك
,,,,,,,,,

	الكلمات في منتهى الروعة والجمال والصوت في غاية الرقة والنعومة والموسيقى معبرة جدًا عن الجو النفسي والحالة الشعورية يعني باختصار تحفة فنية ( كلمات وغناء وألحان ) ألف ألف شكر يا أستاذ ماهر على هديتك الجميلة وألف تحية لشاعرنا القدير شاعر التوتة الأستاذ سعد الشرقاوي لإمتاعنا بكلماته اللي مست قلوبنا وتحية خاصة جدًا لفنانتنا الموهوبة علا ماهر ربنا يحميها ويقر عينك بيها يا أستاذ ماهر وأخيرًا تقديري للملحن المبدع الأستاذ محمد الآلاتي مع تمنياتي للجميع بدوام التألق والإبداع آمال

بسم الله ماشاء الله

ربنا يحميكي يا علا يارب

بجد انتي موهبه رائعه

كلمات غايه في الروعه

بصوت انسانه موهوبه

شكرا لك استاذ ماهر لامتاعنا بهذه الموهبه
تحياتي