طريقة زراعة عيش الغراب فى منزلك

	طريقة زراعة عيش الغراب فى منزلك متتخضوش علي فكرة دى سهله جدااا وبنعملها في البيت المقادير قش ارز هاتيه من اي حتة اتصرفي شوال قماش او بلاستيك مش مهم مش فارقة شوية ميه وآخر حاجة تجيبي الحبوب وممكن تجيبيها من اي جمعية مختصة او اختصري وروحي وزارة الزراعة بيبيعوه هناك علي فكرة وثمنه رخيص قوي الطريقة : بللي قش الارز في الماء وخليه يتملي مية ورطوبة حطيه جوة الشوال ولاحظى ان بين كل طبقة رشي شوية من البذور اقفلي الشوال كويس وهاتي السكينة وتخيلي الشوال حد بتكرهيه واطعنيه 50 او 60 طعنة غادرة نافذة شيلي الجثة قصدي الشوال وحطيه في حتة ضلمة مليانة رطوبة ومبيدخلهاش ضوء الشمس ابدا وانسيه وبعد اسبوع او اثنين روحي شوفيه هتلاقيه توغل وتوحش والفطر طالع من كل طعنة طعنطيها علشان يفكرك بما اقترفته يداك شيلي آثار الجريمة وتعالي تاني بعد يومين هتلاقي تانى وهكذا لغاية ماتزهقي بس في البيت وارخص كتير من برة منقووول للافادة ودى وتقديرى سهــ ماجد ــام

انا ابتديت أكرهه يا سهام
طريقة عمله مرعبة بجد ههههههه
موش هآكله تاني حرمت

ههههههههههه
أنا حبيبتى مش باكله خالص
مش عارفه ليه فى ناس بتحبه جدااا
وعلى فكرة يباع فى السوبر ماركت
بأسعار غالية
لكنه مغذى جدااا
وبألف هنا للى بيحبوه
وممكن يكون فكره لمشروع
لو اتيح له المكان
ودى وتقديرى
سهــ ماجد ــام