كانتين نبض الأمل

الكانتين


مشروبات / سندوتشات / بسكويت

موضوع جميل
جزاك الله خيرا أستاذ محمد وللفكرة الرائعة
ممكن أطلب بطاطا مشوية على طريقة الدكتورة آمال
لو مفيش عايزة الوصفة لو سمحت

حمص الشام ( الحلبسه )




المكونات:-

1/2 كيلو حمص الشام من عند محل البقاله
حبه 3 طماطم حمراء جدا بس طريه مش ناشفه
ليمون
ملح
كمون
شطة
5 فصوص توم كبيره
حبه بصله صغيره


طريقه التحضير:-

هات حمص الشام ونقيه واغسله كويس جدا وانقعه فى الميه مده طويله يعنى مثلا من بالليل للصبح او من الصبح لبالليل بعد ما اتنقع خلاص كل واحده وحسيتها طريه طيب كده تمام تاخد بقى الحمص بميه النقع بتاعته تنقلها فى حله اكبر وتزودها ميه وترفعها على النار وبعد ذلك تضرب الطماطم فى الخلاط وتضيفها وتقطع البصله اربع قطع وتحطها (بس ياريت ماتخليش البصله مفصوله عن بعضها يعنى اربع بس ممسوكين من تحت ) وبعدين تهرس الثوم وتحطه
وتحط معلقه الكمون الكبيره كمان وبعدين تسيبه يغلى على النار حوالى تلت ساعه تدوقه تلاقيه استوى وطرى وتحط الملح حسب تقديرك لحد ماتحس ان ملحه اتظبط وبعدين تسيبه يغلى 5 دقايق كمان وبعدين تحط فى الكوبيات والليمون والشطه حسب الرغبه بس لكل فرد فى كوبايته

ويا احلى من المانجه
يا حلو يا ابو كمانجه
يا حلو ياحمص شام
بتنسي نكد المدام
ياحلو ياحلبسه
استوى ولا لسه

بالهنا

محمد عبدالرحمن

تنبيه : لا ينصح به للنساء ( يزيد من الوزن )

البطاطا





1) سخن الفرن لدرجة حرارة 200 مْ، احضر صينية واسعة قصيرة الحافة.

2) لا تقشر البطاطس، اغسلها جيدا باستعمال فرشاة خشنة للتخلص من الأتربة، جففها

3) قطع البطاطس طوليا الى نصفين ثم اقطع كل نصف الى أربعة اصابع.

4) ضع البطاطس في الصينية.

5) في طبق صغير ضع البهارات، الكزبرة، البابريكا، الشطة، الفلفل، الملح، الثوم، برش الليمون وزيت الزيتون، قلب ليختلط.

6) وزع خليط البهارات على البطاطس، قلب اصابع البطاطس مع بعضها لتتغطى كلها بالبهارات.

7) رتب اصابع البطاطس بحيث تكون جهة القشرة الى أسفل. لا تغطي الصينية.

8) ادخل الفرن 25 – 20 دقيقة الى ان تصبح البطاطس ذهبية اللون ومحمصة.


ياحلوة يابطاطا
ياطعمه وشكولاته
الواحده بربع جنيه
للفقير والبيه
طب خد واحده ببلاش
عنها منستغنااااش

بالهنا

محـ عبدالرحمن ـمد

ملحوظة : صحية للراءات وتزيد من السمنة للنونات

أهلاً ومرحبا بالشيف محمد في مطبخ نبض الأمل
وصفات شهية في الحقيقة وتستحق الشكر والتقدير
أما عن وصفة البطاطس بالبهارات بالفرن
فقد اعتدت على تطبيقها بنفس المقادير والمكونات المذكورة
ولكنني أضيف الروزماري الجاف وقليل من الزعتر إلى خلطة البهارات
جربها ولن تندم وسترى أن الطعم أشهى بكثير
أما عن أنها تزيد من السمنة بالنسبة للنونات فهذا غير صحيح
بارك الله فيك وفي انتظار المزيد

الفول




المقادير:
- علبه فول (سادة) بدون أي إضافات
- زيت ناتج عن قلي فلفل حار
- فص ثوم، مكعبات صغيرة الحجم
- ملعقة كبيرة طحينة، ملعقة صغيرة خل، ملح، كمون

الطريقة:
- نضع ملعقتين زيت ونحمر فص الثوم بعد تقطيعه، وقبل أن يحمر نضع عليه الفول بعد تصفيته من الماء.
ونقلب دقيقتين ثم تقلل النار، ونضع كل المكونات السابقة.
- نقوم بهرس الفول بالمكونات كلها بالشوكة.
- وبعد تمام الهرس بالمكونات نتركه 5 دقائق على نار هادئة ثم يقدم بعد رش القليل من الزيت على الوجه.

لو زهقان من حياتك
ومش طايق مراتك
اديها سندوتش فول
هتاكله تنام علطووووول

بالهنا
محـ عبدالرحمن ـمد

وصفه لذيذه
شكرا
سمر

الفول يقوي العقول

وماله ناكل فول النهاردا

جزاك الله خيرا أستاذ محمد

المشاركة الأصلية كتبت بواسطة آمال محمود كحيل

أهلاً ومرحبا بالشيف محمد في مطبخ نبض الأمل
وصفات شهية في الحقيقة وتستحق الشكر والتقدير
أما عن وصفة البطاطس بالبهارات بالفرن
فقد اعتدت على تطبيقها بنفس المقادير والمكونات المذكورة
ولكنني أضيف الروزماري الجاف وقليل من الزعتر إلى خلطة البهارات
جربها ولن تندم وسترى أن الطعم أشهى بكثير
أما عن أنها تزيد من السمنة بالنسبة للنونات فهذا غير صحيح
بارك الله فيك وفي انتظار المزيد

هلا هلا هلا
أشرقت الأنوار وغردت الأطيار وهطلت الأمطار
يسلم مرورك ياست الكل

المشاركة الأصلية كتبت بواسطة سمر محمود كحيل

وصفه لذيذه
شكرا
سمر

دعواتك بقى يا أ / سمر
شكرا لمرورك