الشنكليش إهداء للدكتوره آمال

طريقة عمل الشنكليش


المقادير


لبن رائب والكمية حسب الرغبة.
ملح,كمون,فلفل أحمر مطحون و زعتر أخضر



الطريقة

يوضع اللبن في كيس قماش تمامآ مثل طريقة اللبنة.يجب ان تكون اللبنة جامدة و خالية من الماء تمامآ.
أخلطي اللبنة الناشفة مع الفلفل الأحمر والكمون و الملح.
نشكل الشنكليش علي شكل كور كبيرة. ثم نضع الزعتر الأخضر االمفروك ناعم في طبق كبير ثم نأخذ كل كرة من الشنكليش و نغطيها بالزعتر.
و توضع الكور المغطاة بالزعتر علي ورق المطبخ لإمتصاص الماء الزائد وتترك تقريبآ طول النهار.وبعدين تخزنيهم في علبة بلاستيك وتضعيهم بالثلاجة لحين الأكل.


اسم الشنكليش أصلا سوري



بالف هنا وشفا يا دكتوره

الله يا نورهان ؟
يبقى أنا على كده أعرف الوصفة بس ما اعرفش اسمها
الله يرحمك يا ماما يا حبيبتي
كنتي بتعمليهالنا دايما ومش بنسأل دي إيه على أساس إنها لبنة كور
تسلم إيديكي يا نورهان وماتحرمش منك ولا من رقتك
هدية مقبولة من غالية وبنت كرما
وبعد إذنك يا قمر
هاعزم الكل في نبض الأمل عشان يدوقوا الوصفة الشهية دي
مودتي بلا حدود

تسلم ايدك على الوصفة يا نورهان
كانت ماما الله يرحمها ويحسن اليها تعملها لنا
جزاك الله خيرا

تسلم ايدك يا نورهان وصفة جميلة
أكيد امول هاتستنى لما تيجي غزة علشان اعملها لها
شفتي ازاي بتجبي لي شغل من غير ما تشعري
كان لازم تهديها لها يعني
كله هايطلع فوق دماغي يا نورهان

المشاركة الأصلية كتبت بواسطة سناء محمود

تسلم ايدك يا نورهان وصفة جميلة
أكيد امول هاتستنى لما تيجي غزة علشان اعملها لها
شفتي ازاي بتجبي لي شغل من غير ما تشعري
كان لازم تهديها لها يعني
كله هايطلع فوق دماغي يا نورهان

ههههههههههههه
والله ما حد جابلك الشغل غير نفسك
عملتِ زي الدبور اللي زن على خراب عشه
واهي جتلي لغاية عندي وعلى الطبطاب
فكرة بجد
أتعب نفسي ليه أنا واقعد أعمل شينكلش ؟
هاستنى بقى لغاية ما انزل غزة وتسويهالي
تسلميلي يا أحن أخت وأمهر شيف وأحلى نقيب
عايزة مناديل ؟ هههههههههه

زوجة اخي سورية وبتعملها بس ما قالتش اسمها
شكنليش ...بتقول عليها لبنة ، اول مرة اسمع الاسم دا
عندنا في مصر فيه صنف حلويات اسمه شاكلما
قريب من اسم الشكنليش ..الاتنين فيهم شَكَل ههههههه
تسلم الوصفات يا نورهان ويسلم لنا الهادي و المهدى اليه
مع خالص حبي لكم جميعا
و صحتين و هنا

المشاركة الأصلية كتبت بواسطة طيبة

زوجة اخي سورية وبتعملها بس ما قالتش اسمها
شكنليش ...بتقول عليها لبنة ، اول مرة اسمع الاسم دا
عندنا في مصر فيه صنف حلويات اسمه شاكلما
قريب من اسم الشكنليش ..الاتنين فيهم شَكَل ههههههه
تسلم الوصفات يا نورهان ويسلم لنا الهادي و المهدى اليه
مع خالص حبي لكم جميعا
و صحتين و هنا

الله يهنيكي يا طبطب
واحنا كمان ماما الله يرحمها لبنانية
وكانت تعملهالنا على أساس إنها لبنة
أول مرة أعرف اسم الوصفة دي
أما الشكلمة دي سمعت عنها بس ماعرفش كلتها ولا لأ
ماتقوليلنا وصفتها الله يخليكي يا طيبة
ولا أريحك وأشتريها جاهزة ؟
هههههههههه

المشاركة الأصلية كتبت بواسطة آمال محمود كحيل

الله يهنيكي يا طبطب
واحنا كمان ماما الله يرحمها لبنانية
وكانت تعملهالنا على أساس إنها لبنة
أول مرة أعرف اسم الوصفة دي
أما الشكلمة دي سمعت عنها بس ماعرفش كلتها ولا لأ
ماتقوليلنا وصفتها الله يخليكي يا طيبة
ولا أريحك وأشتريها جاهزة ؟
هههههههههه

يمكن يا امول ماما الله يرحمها و زوجة اخويا مش عاوزين يقولولنا الاسم
علشان ما نتعقدش
الشكلمة مش باعرف اعملها لاني مش بحبها
هي مصنوعة من جوز الهند ودا انا مش بحبه خالص في اي اكل
لكن ممكن ادورلك في النت على طريقة عملها واجيبها هنا
على فكرة هي فيها طعم من البسيمة لو تعرفيها
البسيمة زي البسبوسة لكن داخلها برضو جوز هند بكمية كبيرة

المشاركة الأصلية كتبت بواسطة طيبة

يمكن يا امول ماما الله يرحمها و زوجة اخويا مش عاوزين يقولولنا الاسم
علشان ما نتعقدش
الشكلمة مش باعرف اعملها لاني مش بحبها
هي مصنوعة من جوز الهند ودا انا مش بحبه خالص في اي اكل
لكن ممكن ادورلك في النت على طريقة عملها واجيبها هنا
على فكرة هي فيها طعم من البسيمة لو تعرفيها
البسيمة زي البسبوسة لكن داخلها برضو جوز هند بكمية كبيرة

الظاهر بقى دا سر إخفاءهم الاسم عننا
أما عن الشكلمة بما إن فيها جوز هند فأنا باعفيكي من الطريقة
أنا كمان ماليش هوى بجوز الهند إلا بكميات قليلة جداً في أي صنف حلو
ما تعيطيش يا قمر فيه ناس زيك وعندهم نفس الميول
أما عن البسبوسة فيا رب آكلها عندك عن قريب
محبتي بلا حدود

المشاركة الأصلية كتبت بواسطة آمال محمود كحيل

الظاهر بقى دا سر إخفاءهم الاسم عننا

أما عن الشكلمة بما إن فيها جوز هند فأنا باعفيكي من الطريقة
أنا كمان ماليش هوى بجوز الهند إلا بكميات قليلة جداً في أي صنف حلو
ما تعيطيش يا قمر فيه ناس زيك وعندهم نفس الميول
أما عن البسبوسة فيا رب آكلها عندك عن قريب
محبتي بلا حدود

ان شا الله حبيبة قلبي ناكل البسبوسة مع بعض
تنوريني وتنوري اسكندرية كلها
ربنا يقرب البعيد

مع خالص حبي وتقديري