أخيرا قابلت الريس!!!

أخيرا قابلت الريس
في يوم من الأيام كانت حركة (الزباين) عندنا في المحل خفيفة
فقعدت على باب الدكان ، فما هي لحظات حتى ومر أمامي الأستاذ سمير أو زي الناس ما بتناديه ( سمير بيه)
وأخذني من إيدي ودخلنا الدكان
وقالي أنت محظوظ يا أبو حميد الريس وافق يقابلك يوم الخميس من 9- 9.30 صباحا
قلت له مش ممكن ... أنا حقابل الريس وحكلمه وأشوفه وووو
قال سمير :إيه يابني ريسنا زي الفل يالله يا عم اتبسط
المهم : مرت الأيام وجات اللحظة إللي كنت مرعووووب منها
لبست إللي على الحبل وكنت قدام القصر الساعة 6 صباحا
وبصراحة الناس دخلوني بعد الساعة 9 لكن بعد ما فتشوني
عشرين ..تلاتين مرة وخلاعوني هدومي كلها أيوة.. كلها كلها
المهم دخلت وقعدت في (الريشابشن) أستنى الريس
وشربت عصير وشاي وحاجات تانية مش عارف أسمها وكل ما يجيبولي حاجة أشربها أسألهم : هو الريس عارف إني عايز أقابله وكانت الإجابة في كل مرة واحدة ... مفيش إجابة!!
المهم فجأة لقيت واحد يشبه الريس خالص ..خالص نازل من على السلم وهوه باصص لي وجه سلم عليّ وقالي إزيك يأبوحميد بس ده كان لابس جلابية بس مش زي جلاليبنه طبعا دي أكيد من القماش إللي المتر من 15-17 جنيه
وريحته حلوووووة خالص وكأنه جايب الريحة من السعودية
كان فيه بهوات وراه لابسين بدل ومزفلطين ومنشيين قالوا لي سلم عى الريس يا محمد
أنا قلت :يا نهار أزرق الريس الريس؟
سلامتك يا يريس ليه لابس زينا؟
ضحك الريس وقالي تعالى يا محمد
وقعدنا مع بعض وقالي خير أنت طلبت تقابلني فيه حاجة ؟قول متخافش...
قلت له أنا مش خايف يا ريس
أنا طلباتي والله العظيم بسيطة خالص
أنا نفسي ياريس أشرب ميه نظيفة
وآكل عيش السوس فيه مش كتير
والفاكهة والخضار مافيهومش المرض البطال
ولما أروح المستشفى لا قدر الله
يحترموني ويكشفوا عليّ في دوري
ويعطوني علاج ببلاش ويخففني مش يجيبلي مرض تاني أكبر
والواد ابني لما يكون في الثانوية العامة يمتحنوه مع زمايله ولاد البهوات إللي بيخدوهم في شقق جنب المدرسة وبعد كدة يجيبوا مية المية ويدخل كلية الطب
ولما يخلص كلية يشتغل دكتور مش يشيل رمل وأسمنت لغاية ما ينسى الطب أو الهندسة
عارف يا ريس أنا كان عندي ولد نفسه يبقى بوليس قالولي بيع خمس فدادين وروح قدمله قلت لهم أنا ما عنديش أرض ضحكوا علي
لكن أنا صممت وقدمت له تصدق يا بيه وهو بيمتحن الله يسترهم وقبل الامتحان ما يخلص كانت النتايج متعلقة برة وطبعا ابني مش معاهم
ولا أي حد من الموجودين دول العيال البهوات إللي كانوا بيمتحنوا في الشقة مش في المدارس
يا بيه الغلابة زمان كانت خايفة من بكرة أما الناس العاديين النهاردة مش الغلابة خايفة من النهار دة من إمبارح
وفجأة دخل واحد من البهوات وشاورلي يعني قوم بقى
قلت حاضر حاضر بالله ياريس ماتزعل مني أنا مش عايز أكون وزير ولا حتى غفير أنا عايز أحس إن مصر بلدي مش عبد فيها عايز محدش يشتمني في أي مصلحة حكومية ولا قسم شرطة عايز أروح لكل الموظفين وكلهم رأي واحد مش واحد يقول ما ينفعش والتاني إللي أخد رشوة يقول ينفع
والله ياريس لولا إني خايف على زعلك وزعل البهوات دول أنا كنت قلت لك كل حاجة
عارف ياريس أنا كان عندي ولد غرق في العبارة أديني ماقلتلكش عليه عشان عارف إنك حتزعل أومااااااااال ماهو زي ابنك
سا محني ياريس وسا محوني
يا بهوات أنا كان نفسي أكلمك وأقولك وجعتي سلام عليكم
محمد

بيان هام!!!
بعد الزيارة الأولى للريس والتي لم تظهر نتائجها حتى الآن قررت أن أنقل إليه نبض الناس(إنكان لا يعرف!!!)
فمن كانت له نبضة أو شكوى فليكتبها هنا لتوصيلها لسيادته واللي يحصل يحصل
محمد...

يا أستاذ محمد أنصحك تتغطى قبل ما تنام
هو حد يقدر يقابل الريس
يا بوووووي
دا انت تقابل نابليون ولا ممكن تقابل ريسنا
و بعدين فكرك يعني اما تشكيله حالك قلبه هيتقطع عليك ؟!!
ماهو عارف كل حاجة ومطنش
يا عم في بلدنا السؤال لغير الله مذلة
و انت كريم ابن كريم فلا تسأل لئيم

حسبنا الله ونعم الوكيل

لا حول ولا قوة إلا بالله
في الحقيقة دي مشاعر كتير من الناس البسطاء اللي بيحلموا ف بكرة يكون جميل
ومن غير مشاكل ومعاناة ليهم ولأولادهم
أخي الفاضل محمد
زي ما قالتلك أختنا الغالية طيبة السؤال لغير الله مذلة
وكل أمرك لله وبس
وهوا اللي هايكرمك دنيا وآخرة
تحية شكر وتقدير

المشاركة الأصلية كتبت بواسطة وفاء كحيل

لا حول ولا قوة إلا بالله

في الحقيقة دي مشاعر كتير من الناس البسطاء اللي بيحلموا ف بكرة يكون جميل
ومن غير مشاكل ومعاناة ليهم ولأولادهم
أخي الفاضل محمد
زي ما قالتلك أختنا الغالية طيبة السؤال لغير الله مذلة
وكل أمرك لله وبس
وهوا اللي هايكرمك دنيا وآخرة

تحية شكر وتقدير

الأخت العزيزة أ / وفاء
نعم يجب أن نوكل كل أمورنا لله ولكن لا ننسى رسالتنا في الأرض
وموضوعي أردت أن أوقظ به هذه الرسالة ألا وهي عمارة الأرض
ولن تكون هناك عمارة وهناك معاول هدم أكثر من أدوات البناء
لا بد أن نوقفهم حتى ولو بالكلمة ولي معه لقاء ثان وثالث ورابع
إلى أن أخبره بكل شيء سواء أكان يعرف أو لا يعرف وإن اعتقلوني وإن اتهموني بالإرهاب
سأقول له
نعم إني لإرهابي استشرى بي الإرهاب

لأني ما رأيت أبي وكنتم انتم الأسباب

لأن الدار داري ابتعتمونيها بشرع الغاب

سأعبر من نوافذها إذا لم تفتح الأبواب

ألوث ماء شاربكم بكل السم والإنصاب

أروع أمن نائمكم بكل وسائل الإرهاب

نعم فإني لإراهابي استشرى بي الإرهاب

تحياتي لشخصكم الكريم
محمد

مساء الخير يا محمد
نفسك تقابل الريس !!
شوف انا اخر ريس اعرفه لمصر مات سنه 1970 الله يرحمك يا عبد الناصر

اللى موجود دلوقت وانت عايز تقابله مش ريس ده قائد قوات الاحتلال او زى ماكان المصريين بيقولوا زمان المندوب السامى
لو قابلته قوله اننا بنرفضه
بونرفض احتلاله لبلادنا
بنرفض انه يسرق كل ثروتنا بلدنا
بنرفض ان الوظائف تكون حكر على اولاد عملاء الاحتلال
بنرفض ان العالج من المرض يكون مقصور على ابناء عملاء الاحتلال
بنرفض ان نكون عبيد فى بلادنا
بنرفض ان القانون لا يكشف ان انيابه الا فى مواجهتنا نحن بينما يكون لطيف وظريف فى مواجهه ابناء عملاء الاحتلال
بنرفض ان نكون قطع غيار بشريه لابناء عملاء الاحتلال

بنرفض نتسول اللقمه فى بلادنا بينما يمتمع بكل ثرواتها ابناء عملاء الاحتلال

بنرفض ان نشعر اننا اغراب فى بلادنا بينما يتمتع بكل حبها وحنانها ودفئها ابناء عملاء الاحتلال

بنرفض نهج من بلادنا ونطلع نبحث عن القمه والهدمه براها بينما كل ثرواتها ملك لابناء عملاء الاحتلال

روح قابل المندوب السامى وقله ده لكن انا رايحه اقرا الفاتحه فى كوبرى القبه على روح الريس
قلبت عليا المواجع يا محمد
انجى

انت فاكر ان الرؤساء فاضيين للي زيك وزيك
ده كان حلم يقظه اتمنى تكون صحيت منه
مالها ميه الشرب عاوزه افهم
ده احنا ميتنا م البحر طوالي ولا تصلح لشرب الحيوانات بعيد عنك
ونسبة التلوث فيها 500% ده موش كلامي بتوع البيئة اللي قالوا كده
الشهادة لله بقه انا بشوف لونها بس على بني كده زي الصدأ
يعني بالمختصر المفيد موش عاجبك الميه ابقى اشرب مياه معدنية
هو الريس فاضي للحاجات البسيطة دي بتتعبوه ليه
ثم ماله رغيف العيش يا ابني شيل السوسه وكول عادي
وما تنساش تشيل الخيطان بالمره
وانا انصحك اوعى تتعالج بالمستشفيات لأن الداخل فيها مفقود يا ولدي مفقود
كويس انك خرجت بسلامه من هناك
بس اوعي تعيدها تاني وابقى إحلم على ادك يا ابني

المشاركة الأصلية كتبت بواسطة محمدعطوة

بيان هام!!!
بعد الزيارة الأولى للريس والتي لم تظهر نتائجها حتى الآن قررت أن أنقل إليه نبض الناس(إنكان لا يعرف!!!)
فمن كانت له نبضة أو شكوى فليكتبها هنا لتوصيلها لسيادته واللي يحصل يحصل
محمد...

والله إنك متفائل بتفكرني بشبابي
يعني تفتكر هو موش عارف
الحكومه يا ابني ما بستخبى عليها شيئ
بس هم بيطنشوا موش فاضيين للحاجات الصغيرة دي

المشاركة الأصلية كتبت بواسطة طيبة

يا أستاذ محمد أنصحك تتغطى قبل ما تنام

هو حد يقدر يقابل الريس
يا بوووووي
دا انت تقابل نابليون ولا ممكن تقابل ريسنا
و بعدين فكرك يعني اما تشكيله حالك قلبه هيتقطع عليك ؟!!
ماهو عارف كل حاجة ومطنش
يا عم في بلدنا السؤال لغير الله مذلة
و انت كريم ابن كريم فلا تسأل لئيم

حسبنا الله ونعم الوكيل

يا أستاذة طيبة
إن كان مش عارف إللي بيحصل لنا فدي تبقى مصيييييييييبة
وإن كان عارف وعاجبه وساكت دي بقى تبقى كااااااااااااارثة ويبقى هو ....
تحياتي لشخصكم الكريم
محمد
شوفتي توقيعي من الشجاعة بقى كبير إزاي هههههههههههههههههههههههه

المشاركة الأصلية كتبت بواسطة سناء محمود

انت فاكر ان الرؤساء فاضيين للي زيك وزيك
ده كان حلم يقظه اتمنى تكون صحيت منه
مالها ميه الشرب عاوزه افهم
ده احنا ميتنا م البحر طوالي ولا تصلح لشرب الحيوانات بعيد عنك
ونسبة التلوث فيها 500% ده موش كلامي بتوع البيئة اللي قالوا كده
الشهادة لله بقه انا بشوف لونها بس على بني كده زي الصدأ
يعني بالمختصر المفيد موش عاجبك الميه ابقى اشرب مياه معدنية
هو الريس فاضي للحاجات البسيطة دي بتتعبوه ليه
ثم ماله رغيف العيش يا ابني شيل السوسه وكول عادي
وما تنساش تشيل الخيطان بالمره
وانا انصحك اوعى تتعالج بالمستشفيات لأن الداخل فيها مفقود يا ولدي مفقود
كويس انك خرجت بسلامه من هناك
بس اوعي تعيدها تاني وابقى إحلم على ادك يا ابني

الأستاذة/ سناء
لن أسكت وفي المرة القادمة (إن عشتت للمرة القادمة) سآخذ معي رغيف خبز (من بتاعنا)
وبحالته وآخذ معي زجاجة ماء شرب من الحنفية بس يارب الحرس يصدقوا إن ده رغيف خبز مش أسلحة دمار شامل ويصدقوا إن الماء الذي في الزجاجة هو ماء وليس مواد كيميائية قاتلة وححلف لهم وحشرب منها قدامهم وحقطع قطعة من الرغيف وأتناولها
عموما لو صادروهم مش هي دي مشاكلنا بس لألألألألألألألألألألألألألأ
دا فيه مليون حاجة لا زم أعرفها له أو أذكره بيها
بس مش ممكن يكون فاكر أننا خلاص خدنا على كدة وحصلنا مناعة أو يمكن فاكر إننا متنا أو هاجرنا طب حعرفه إننا لسة في البلد
خلاص؟؟؟؟إدعولي بقى