شجرة النقود فى استراليا ..

قرأت موضوعاً طريفاً حدث فى استراليا ..
وكم أعجبتنى فكرته ..وتخيلت لو أننا نفذنا مثل تلك التجربة فى بلد من بلادنا العربية ..
تُرى كيف سيكون رد فعل الناس فى الشارع ؟!!
أترككم مع التجربة الاسترالية وأرجو أن تشاركونى بآرائكم وبتوقعاتكم لردود أفعال المارة
لو طبقنا هذه التجربة فى بلادنا ..

في محاولة نادرة و رائعة من بنك أسترالي للفت إنتباه الناس الكسالى المارة في الطريق
حيث تمت تغطية شجرة بالنقود من الفروع السفلى إلى أعلى الشجرة
وتم تصوير المارة بكاميرا مخفية لتسجيل ردة فعلهم
و المفاجأه أن أول 100 مار بجانبها تجاهل هذه الشجرة
و بعضهم لم ينتبه لشجرة النقود
و البعض إنشغل بتصوير هذه الشجرة
و القليل من الناس فرح بها و بدأ بجني النقود

أترككم مع الصور

والله عندنا معظم الشجر كافور وعالي جدا يانوران
وده هيصعب المهمة على الناس أكثر
هههههههه
بس الفكرة مش فكرة نقود
قد ماهي فكرة إن الواحد يكون ماشي ف الشارع ملاحظ كل اللي حواليه
ويكون ذهنه حاضر ويلاحظ أي شيء ملفت للانتباه
وانا منتظر الآراء الأخرى علشان نتواصل
يسلمووووووووووووا

المشاركة الأصلية كتبت بواسطة محمد عبدالرحمن شحاتة

والله عندنا معظم الشجر كافور وعالي جدا يانوران
وده هيصعب المهمة على الناس أكثر
هههههههه
بس الفكرة مش فكرة نقود
قد ماهي فكرة إن الواحد يكون ماشي ف الشارع ملاحظ كل اللي حواليه
ويكون ذهنه حاضر ويلاحظ أي شيء ملفت للانتباه
وانا منتظر الآراء الأخرى علشان نتواصل
يسلمووووووووووووا

الفكره مش فكرة شجر كافور عالى أو فى متناول اليد ..
أنا شايفه يا محمد أن الموضوع له علاقة بطريقه تفكير الشعوب ..
الشعوب دى عندهم مبادىء معينة ..ان اللى مايحتاجوش له
ايدهم ماتتمدش عليه ..لكن للأسف احنا عندنا الفلسفة مختلفة تماماً.
انا فاكره ايام الثورة والهوجه اللى كانت موجوده فى الشارع المصرى دى
قدرت قواات الامن تمسك منهم مجموعة ..وكانوا بيسألوهم :ليه عملتوا كده ؟
رد احدهم :
مش عارف انا لقيت الناس بتاخد وتجرى أخدت زيهم
ياخبر...!!! يعرض نفسه للحبس والبهدله لمجرد انه عمل زى الناس مابتعمل!! أو ياخد شىء مايلزموش!!
انا بيتهيألى الاسترالين دول لاحظوا الفلوس على الشجره بس لانهم مش محتاجينها فمروا من قدامها وما اهتموش
وحتى منهم اللى محتاج ..هيأخد على قد احتياجه وبس .
شكراً أخى محمد ..شرفت الموضوع ..لك أطيب تحياتى .

ده يدل على ان الشعب الاسترالي
شعب رايق وماشي وفي حال سبيله
مو مثل الشعوب العربية يحبون ان يتدخلوا فيما لا يعنيهم

مش كده وإلا ايه يا نوران؟؟

ههههههههههههههههههه
اكيد لو حصلت عندنا في خلال ساعة واحده
مش هتلاقي ولا ورقه واحده
بس فعلا هو رقي وإختلاف التفكير يانور
احنا لومحتاجين او مش محتاجيين
ممكن نقلب الدنيا لو شوفنا شجرة زي دي
موضوع رائع بجد
شكرا لكِ على اختياراتكِ الجميله وعلى طرح الموضوع
أرق تحياتي

المشاركة الأصلية كتبت بواسطة ظميان غدير

ده يدل على ان الشعب الاسترالي

شعب رايق وماشي وفي حال سبيله
مو مثل الشعوب العربية يحبون ان يتدخلوا فيما لا يعنيهم

مش كده وإلا ايه يا نوران؟؟

كده طبعا يا أخى صالح ..
معاك حق ..الفضول من العادات القميئة للشعوب العربية
مع ان رسولنا الكريم عليه السلام قال:
" من حسن اسلام المرء تركه مالا يعنيه "
تسلم صالح على مرورك الطيب
لك كل التحية والإحترام .

الموضوع يعتمد على المبدأ ومنهج التربية ومن ثم الاكتفاء أو الاحتياج

فمن جهة بعض الشعوب ليس عندها أي مبدأ في التعامل، فتسرق وتنهب المال العام
أو قد تتلفه أو تتعدى على ممتلكات الغير والمبررات حدّث ولا حرج .. بحر من المبراات ينتقون ما يشاؤون منه
وعلى حسب ما تربى الانسان وتعوّد يكون تصرفه وتعامله مع الامور ..
أما الاحتياج والاكتفاء فهو نسبي أيضا .. البعض لو كان في قمة الاحتياج لا يطلب ولا يمد يده والبعض
الاخر لو كان احتياجه قليل لطالب بالكثير

ومقارنة ما حدث في استراليا ببلادنا وشعوبنا هو ظلم قليلا والسبب أولا هو أن الحكومة تقدم التسهيلات
والاعانات والتأمين الصحي والجو المناسب لعيش رغد أو مستور .. بينما في بلدان أخرى الشعب في حالة
قهر وكفاح للقمة العيش فكيف تطلب من هذا أن يشابه ذاك ؟!

أقول لك على شيء بسيط وليس نقود حصل أمام عيني مرتين .. أولا: مرة كنت في بلغاريا وهناك شجر الشارع
يعني شجر الزينة هو شجر الكستناء !! تخيلي الثمار مليانة على الشجر وعلى الارض تحت الشجرة ولا حد بيقرب
صوبها .. وكان معي زملاء في العمل .. أول شي عملوه التقطوا مجموعة ووضعوها في أكياس التسوّق ... بكل بساطة
حبة الكستناء لا تساوي شي مقابل عملة نقدية ..

ومرة تانية في ولاية في أمريكا بتشتهر بالحمضيات .. كان اليوسفي مليان على الشجر في الشوارع
وكمان رأيت بعيني امرأة كبيرة في السن وزوجها وهم من جنسية عربية بيلتقطوا وبيعبوا أكياس ومش كيس
تساءلت هم راح يبيعوه ولا يحملوه معهم لبلدهم هههه

الردود احتوت على نقاط حيوية جدا ومهمة أعجبتني جدا
ومعكم بتابع باقي الردود

يسلموا على الموضوع الجميل

يسلم مرورك أختى
قيثـــاره
وأوافقكِ الرأى أن الإحتياج أمر نسبى
ولولا الحاجة مادُفِع الناس لمدّ أيديهم
صدقينى رأيت بعينى أناساص يبحثون عن كسرة خبز
بين أكوام القمامة من شدة الحاجة ..فمابالك لو رأوا
شجرة النقود تلك ؟!
عمر بن الخطاب رضى الله عنه رفع حد السرقة وهو قطع اليد
فى العام الذىى إنتشر فيه القحط وزادت الحاجة وأصبح السارق
يسرق ليسد جوعه .
لكن اؤكد أن التربية هى الأساس ..فلو زرعنا فى النشء القناعة
والعفة والرضا ماحدث كل ماسمعنا عنه من فساد وتضخم ثروات
بشكل فج ..
شكراً لمرورك الكريم ولكِ أطيب وأرق تحياتى .