طريقة تفريز الملوخيه والباميه والسبانخ

أولا طريقة تخزين الملوخيه الخضراء

أول شىء لازم تغسلى الملوخيه كويس وتسيبيها تتنشف كويس
وبعدين تقطفيها بعد كده وتفرميها
وتكونى وضعتى شوية ماء بسيطه تغلى على النار
بحيث لما تضعى الملوخيه المفرومه فيها ما تكون سايبه
تكون يابسه نوعا ما
علشان كتر الماء فيها حتخليها تعمل تلج ولونها حيتغير
بعد كده ما تخليهاش تغلى لا
يادوب فوره واحده وتنزليها عن النارعلشان لونها ما يتغيرش
وممكن تحطى بدال الماء شوربه او مكعب مرقه مع الماء
تسيبيها تبرد خالص وتغلفيها وتوضع بالفريزر
لما تيجى تطبخيها تخرجيها من الفريزر بدرى يعنى بعد ما تفك من التلج
ودى نقطه مهم جدا تاخدى باللك منها

طريقة تخزين الباميه

طبعا اول شىء تغسليها وتسيبيها شويه تتصفى بعدين تقمعيها
تكونى حطيتى كميه من الماء على النار تغلى وتحطى فيها الباميه بعد الغليان
تسبيها دقيقه واحده يعنى فوره واحده بس علشان لونها ما يتغيرش
تصفيها فى مصفاه واسعه وتتركيها تبرد خالص
بعدين تقسميها فى أكياس حسب الكميه المطلوبه لكل طبخه
ولما تيجى تطبخيها مش لازم تسيبيها تفك
ممكن تحطيها تفك على البخار مع التسبيكه بناعتها
وبعدين تضيفى الشوربه

طريقة تخزين السبانخ

هى هى نفس طريقة الباميه لكن تقطع أولا ثم تغسل جيدا وتصفى
تكونى وضعتى كميه كافيه من الماء على النار تغلى
تضيفى لها السبانخ المقطعه وبرضو فوره واحده علشان تدبل بس
وتصفيها على طول قبل لونها ما يتغير فى مصفاية واسعة
وتفرديها وتسيبيها تبرد خالص
وتقسميها فى أكياس حسب الكميه المطلوبه وتوضع فى الفريزر
ولما تيجى تتطبخيها مش لازم تسيبيها تفك
ممكن تحطيها على البخار مع التسبيكه بتاعتها
وبألف هنا
علشان تكون نتايج التخزين مظبوطه لازم تكون الفريزر نوفروست
الفريزر العادى يتلف اى خزين

انا بخزن كل الخضار بنفس الطريقه بدون أى اضافات والنتيجه مذهله
الخضار بيكون وكأنه طازج لسه جى من السوق

أختي الحبيبة سمر
خالص شكري وتقديري للمعلومات القيمة
وللنقل الكريم وبارك الله فيك

شكرا على النقل الرائع جزاك الله خيرا
تحياتي